U Bah Pius Marwein MLA, MDC ka Ranikor Constituency ha ka 22 tarik u Jylliew 2024 u la plie ia ka Free Skills Trainning Centre ha Ranikor. SWKHD ia ba la pyniaid da ka GCIIT Society bad bei pisa da Meghalaya State Skill Development Society lyngba ka Skills Meghalaya.
Ha kane ka sngi plie ia ka Free Skills Training la iadonlang u bah V. W.Nongsiej nongseng ka GCIIT Society bad uba dei ruh u Executive Director, Myntri Shnong Ranikor ki nonghikai bad ki samla pule ki ban sa shah pyntbit ha katei ka shlem ai jinghikai.
Ki jait jinghikai kiba la ioh ban plie ha katei ka sngi ne ki long ka Domestic Data Entry Operator bad ka Self Employed Tailor kiba ym donkam jingsiew nalor kata ka sorkar kan pynbiang ruh ia ki jaka sah bad ka bam.
U bah Pius Marwein haba ai jingkren ha katei sngi u la ia khublei nyngkong eh ia ka GCIIT Society. kaba la wan ban plie ia ka trainning Centre ha ka thain Ranikor.
U la pynpaw ruh ba ka jingdonlang ryngkat jong u ha katei ka sngi plie ka long kum shi bynta ban ai mynsiem ia ki khun samla ba kin wan sha khmat ban shah pyntbit ialade.
Shuh shuh U bah Pius Marwein u buh ruh ka jingkyrpad ia ki khun samla ba ki dei ban trei shitom bad minot khnang ba yn da ki la dep ia ki jingpule ki lah ban iohkam ioh jam bad u la buh ruh ka jing kular ia ki samla khamtam kito ki ba kwah ban seng kam lajong ba lada ki don kano kano ka jingeh u long uba la kloi ban iarap.