MEGHALAYA : Ka Don Bosco Media Network ka la plie paidbah ïa ka Ka Sur Kynud Season 4, ka jingiakop rwai kaba heh tam ha Meghalaya ban kyntiew bad pynpaw paidbah ïa ki samla ba don sap ha ka jingrwai. Ia u nongjop yn ai ka khusnam pisa ₹1,00,000 bad ka lad ban mihkhmat ïa ka jylla ha ki lympung rwai ha ka ri bad shabar ri.
Naduh u snem 2021, Ka Sur Kynud ka la pynmih ia ki sap ba pawnam kum ka Chevinia, Ellery Kharkongor bad Kitkupar Nongiseh kiba la paw shabar ka jylla ruh. Ha kane ka aiom ba 4 yn don shibun ki round, ki khusnam ba thymmai, bad yn pynkut da ka Grand Finale ha ka 31 tarik Kyllalyngkot 2026.
Ka registration ka plie da ka bai tang ₹1,000 lyngba ka website www.realkasurkynud.com. Kane ka rynsan ka dang iai trei ban pynkhlaiñ ïa ki samla bad ban kyntiew shuh shuh ïa ka sap rwai ba kyrpang jong ka jylla Meghalaya.