Shillong 18 tarik Kyllalyngkot – Ia ka Dorbar Bah Ka Iktiar U Paidbah ban ai bor ka KHADC ka la dep lum ia ka Dorbar Bah jong ka Bri U Hynniewtrep ne ka ka Dorbar iktiar paidbah jong ka Khasi Hills Autonomous District Counci kaba la long ha ka 18 tarik Kyllalyngkot kaba la donlang da u Lat ka Jylla u CH.Vijayashankar u la long u kongsan ban ai ki pasoh ha ka Dorbar Iktiar ia kaba la donlang u Bah Prestone Tynsong Myntri ka Tnad District Council Affairs, u Bah Pyniaid Sing Syiem CEM ka KHADC, u Bah Titustarwell Chyne Nongialam ka liang Pyrshah, u Bah PN. Syiem bad ki Khlieh nongsynshar ha ryngkat ki paidbah ka Bri U Hynniewtrep
Ka Dorbar bah ba khatduh ka dei ha u Snem 2015 ha madan Polo ba la pynlong da ka Synjuk ki Nongsynshar Shnong ha ka Bri Hynniewtrep hadien ka jingsloit noh jong u Nongbishar Justice SR Sen ia ka iktiar jong ki Rangbah Shnong ki Dorbar shnong.
Shuh shuh u la ong ka Synjuk Nongsynshar Shnong ka Bri Hynniewtrep ka khmih lynti ia u paid Khasi hapoh ka jingpeit jong ka Khasi Hills Autonomous District Council
Kane ka Dorbar kan pynkupbor ia ki paidbah lyngba ki ain jong ka District Council ia kaba u Lat ka a Jylla u la sakhi bad pyllait paidbah ia ka Jingpynbna ia ki riti treikam katkum ka jingioh jingithuh lyngba ka Aiñ ban ai bor ba ki seng Kynthei, Seng Samla Shnong ba soi muhor da u Lat.
Ki Aiñ rew ba la ioh muhor na u Lat ka Khasi Hills Autonomous District Council Administration of Elaka Amendment 2023 bad ka Khasi Hills Autonomous District Khasi Social Customs of Village Amendment Act 2023 ha kitei ki aiñ ki aibor ia ki Rangbah Dong, Seng Kynthei bad ki Seng Samla ha kane kawei pat ka pynkupbor ia ki Rangbah Shnong.
Ka jingpyllait paitbah ka dei ha Madan Phutbol Polo bad ka KHADC bad ha kaba u Lat jylla u la sam syrnod ia ki kur ka Bri u Hynniewtrep kiba la dep rejistar ha KHADC lyngba ba la buh da ka Constitution jong ka Ri India ki la thaw ia kine ki aiñ ki la bsuh ia kine ki kyndon jong ki aiñ ban kren shai kdar ia ki bor jong ki Seng kynthei, Seng longkmie bad Seng Samla bad khamtam eh ia ki Rangbah Dong.
mynta la ioh ban wanrah bad pyntreikam ia 2 tylli ki aiñ ka Khasi Hills Autonomous District Administration of Elaka 2023 bad ka Khasi Hills Autonomous District Khasi Social Customs of Village Amendment 2023.