La soi MoU ka Sorkar MDA ban ai jingnang jingstad ha ka liang ka pisa tyngka

Shillong, 28th Nov 2024: Mynta ka sngi la ia soi ia ka soskular hapdeng ka tnad pule puthi, ka sorkar Meghalaya, bad ka National Stock Exchange (NSE) ha ka jingiadon lang u myntri rangbah ka jylla u Conrad K Sangma, myntri ka tnad pule puthi, u Rakkam A Sangma, U Chief Secretary, u D P Wahlang bad ki ophisar na ka tnad pule puthi bad NSE.
Ïa kane ka MoU la soi ban ai jingnang jingstad ha ka liang ka pisa tyngka ïa ki samla pule kolej ha ki kam bank, insurance bad kiwei kiwei.
U myntri rangbah ka jylla u Conrad K Sangma u la ong ba ka jingnang jingstad bad ka jingnang jingstad ha ka liang ka pisa tyngka ka dei kaei kaei kaba ki nongseng kam seng jam bad ki samla ka jylla ki duna. U la ong ba ka jingnang jingstad ha ka liang ka pisa tyngka da ka NSE kan iarap ban shim ia ki rai kiba biang ha ka liang ka pisa tyngka, ban kiar na ki jingma bad iarap ban pynthikna ia ka lawei da kaba shim ia ki rai kiba bniah bad kiba stad.