Shillong – Ka jingialehkai phutbol shiteng madan ne ka phutsal (Futsal) mynta ha ka jylla ka la nang kiew bha bad haduh ki madan Futsal ki la nang don. Myn ha ka 4 tarik u Kyllalyngkot 2024 ki ar Ngut shiparalok u Bah Champion Paliar bad u Bah Stevenson Khongtengkut ki la leh ia ka kam radbah ba wat ka sorkar ka hap ban pyrkhat shwa Arsien ha kaba ki la lah ban pyndep ia ka Madan phutsal ha Lum Pyngrope ha ka jinglut kaba 65 lak tyngka. U Bah Champion Paliar bad u Bah Stevenson Khongtengkut ki dei ki paralok ba iaieid thep mynsiem bha ki la poi ka jingiamir jingmut ban shna ia ka jinglongtrai ban thaw ia kawei ka madan phutbol kaba rit ka Futsal Ground kaba don ha Lum Pyngrooe Lum Mawnei, Mawlai Umthlong. Kitei ki arngut ki Rangbah kiba la shna ia katei ka Madan Futsal bad ba la jer kyrteng “Friendship Futsal Arena” Futsal Ground kaba dei da u phlang plastik. Ka jaka kaba kitei ki rangbah ki la shna ia kaba ki la ioh jaka na ki kur Pyngrope na ka Bynta lai snem. Haba ioh ban iakren bad ki lad pathai khubor u Bah Champion Paliar u iathuh ka dei ka jingiohi jngai jong ki, ia ka dong ka thaiñ Mawlai bad kiwei pat ki jaka ha Shillong ba ka jingialehkai phutbol ka kiew bha kumta kum u rangialehkai u kwah ban kyntiew ia ka sap ka phong ki samla ha ka jylla ban lait na ka jingsniew bad ban pynleit jingmut ha ka kam kilan met. U Bha Champion Paliar u iathuh khlem ka jingiarap jong ka sorkar ki la lah ban pynlut haduh 65 lak tyngka ban shna ia ka madan Futsal khlem ka jingiarap jongno jongno tang shipalok. Ia katei ka madan la bud ban shna kat kum ka madan ialehkai phutbol sal jong ka Pyrthei da kaba bud ia ka kyndon jong ka FIFA. Mynta kane ka madan ka long kaba bha ban ialehkai bad bun bha kiba la wan ban book lypa ia ka slot kaba shikynta namar kane ka ka madan ka long ban ialeh beit 24 kynta namar ka biang ka bording iathuh u bah Paliar. Shuh shuh mynta kane ka madan la dap lypa da kiba buh kyrteng lypa bad ia ka dor la buh 1500 tyngka shi kynta por mynsngi bad por mynmiet pat ka long 2000 tyngka bad ka nai light iathuh u Bah Paliar.
