Shillong – Ka kynhun Sengbhalang ba iakhih ia ka “Save Hynniewtrep Mission ka HYC, HANM, JSM bad ka CoRP ki ban iakynduh ia u Symbud Myntri Rangbah ka Jylla Bah Prestone Tynsong, myn ka sngi palei, ban ia kren halor ki issue kiba ktah ia ka jaidbynriew Hynñiewtrep iathuh u Robert Kharjahrin. U Bah Robert Kharjahrin nongialam ka Save Hynñiewtrep Mission u iathuh ha ki lad pathai khubor hadien ba la mih na kamra u bah Prestone Tynsong. Ki mat ba ia kren ka long ka Them Metor, ha kaba ka kynhun kala ai jingmut ia ka Sorkar halor ka jingpdiang ia ka blueprint jong ka Sorkar da ki Harijan ha kaba ka Sorkar kan ai noh da ka bai wai iing ia ki 342 tylli ki Longiing na Them Metor ba kin ioh sahwai ha kano kano ka jaka lem kumta kin hap ban sah ha ki quarter ka Sorkar hadien bala pyndep. Ka mat ba AR halor ban pyntreikam ia ka Inner Line Permit (ILP) ha kaba U bah Prestone Tynsong ula pyntip ba shen u Myntri kam Pohiing ka Ri Amit Shah, un sa wan iuhkjat ka Jylla bad ka Sorkar Jylla kan sa iakren ia ki ishu ba sahteng jong ka Jylla iathuh U bah Robertjune Kharjahrin. Kawei ka mat kaba iatai bha ka long ban shong bishar biang ia ka MoU pynbeit pud bala iasoi bad ka Assam nalor ka bhah thungkam thungjam. Ha ka jingiapynbeit pud, ka Meghalaya bad Assam ka Sorkar MDA kam pat lah thaw ia ki Regional Committee, ka jingpynbeit ia u pud u sam ka I kumba kan shimpor bha bad ka bym lah ban pyndep hashuwa jong ka Elekshon iathuh u Bah Robertjune. Halor ka Reservation Policy, ka kynhun Sengbhalang kala dawa ia ka Sorkar Jylla ba ka donkam ban pynkylla bad shong bishar biang ia ka Policy. Lada ka Sorkar ka sngew ba kane ka ishu ka dei kaba jyrwit jyrwat bha bad ba kam dei ban ktah, kaei pat ka jingmut pat ban iadonlang ha kajuh ka Jylla hapdeng ki Khasi bad Garo, ai ba ki Garo kin ioh noh la ka jong ka Jylla bad ki Khasi la ka jong ka Jylla. Kaba khadduh ban pynrung ia ka Ktiem Khasi ha ka khyrnit ba phra ka Riti Synshar ka Ri, iathuh U bah Robertjune Kharjahrin Shillong – Ka kynhun Sengbhalang ba iakhih ia ka “Save Hynniewtrep Mission ka HYC, HANM, JSM bad ka CoRP ki ban iakynduh ia u Symbud Myntri Rangbah ka Jylla Bah Prestone Tynsong, myn ka sngi palei, ban ia kren halor ki issue kiba ktah ia ka jaidbynriew Hynñiewtrep iathuh u Robert Kharjahrin.
U Bah Robert Kharjahrin nongialam ka Save Hynñiewtrep Mission u iathuh ha ki lad pathai khubor hadien ba la mih na kamra u bah Prestone Tynsong.
Ki mat ba ia kren ka long ka Them Metor, ha kaba ka kynhun kala ai jingmut ia ka Sorkar halor ka jingpdiang ia ka blueprint jong ka Sorkar da ki Harijan ha kaba ka Sorkar kan ai noh da ka bai wai iing ia ki 342 tylli ki Longiing na Them Metor ba kin ioh sahwai ha kano kano ka jaka lem kumta kin hap ban sah ha ki quarter ka Sorkar hadien bala pyndep.
Ka mat ba AR halor ban pyntreikam ia ka Inner Line Permit (ILP) ha kaba U bah Prestone Tynsong ula pyntip ba shen u Myntri kam Pohiing ka Ri Amit Shah, un sa wan iuhkjat ka Jylla bad ka Sorkar Jylla kan sa iakren ia ki ishu ba sahteng jong ka Jylla iathuh U bah Robertjune Kharjahrin.
Kawei ka mat kaba iatai bha ka long ban shong bishar biang ia ka MoU pynbeit pud bala iasoi bad ka Assam nalor ka bhah thungkam thungjam.
Ha ka jingiapynbeit pud, ka Meghalaya bad Assam ka Sorkar MDA kam pat lah thaw ia ki Regional Committee, ka jingpynbeit ia u pud u sam ka I kumba kan shimpor bha bad ka bym lah ban pyndep hashuwa jong ka Elekshon iathuh u Bah Robertjune.
Halor ka Reservation Policy, ka kynhun Sengbhalang kala dawa ia ka Sorkar Jylla ba ka donkam ban pynkylla bad shong bishar biang ia ka Policy. Lada ka Sorkar ka sngew ba kane ka ishu ka dei kaba jyrwit jyrwat bha bad ba kam dei ban ktah, kaei pat ka jingmut pat ban iadonlang ha kajuh ka Jylla hapdeng ki Khasi bad Garo, ai ba ki Garo kin ioh noh la ka jong ka Jylla bad ki Khasi la ka jong ka Jylla.
Kaba khadduh ban pynrung ia ka Ktiem Khasi ha ka khyrnit ba phra ka Riti Synshar ka Ri, iathuh U bah Robertjune Kharjahrin
