Lait jamin u Arvind Kejriwal bad iehnoh kam kum u Myntri Rangbah bad bynshet ha ka Kalkaji MLA Atishi

Ka Iing Bishar Baheh ka Ri India ka la pyllait jamin ia u Myntri Rangbah ka Delhi u Arvind Kejriwal hadien ba u shong phatok kumba 5 bnai tam ia kaba u la shah kem halor ka jingkynnoh ki kam Bamsap.
Myn ha ka 17 tarik u Nailur u la ai ka Shithi iehnoh kam sha u Lat ka Jylla Delhi u Vinai Kumar Saxena.
Ha ka jaka jong u, u la wanrah da ka Kalkaji MLA Atishi ban mih bujli.
Ha ka Sngi Thohdieng ka Supreme Court bench lyngba u Justice Surya Kant bad Justice Ujjal Bhuyan ki la ai jingbit ia u Kejriwal ban pyllait jamin bad la bthah ia u um bit ban pynlong ne jingkren ne kynthoh paidbah.
U Kejriwal u dei u nongialam balai ka AAP ban shah kem bad pynngat kyndon hadien u nongialam barim u Manish Sisodia, ia uba la pyllait jamin ha u bnai Nailar hadien 17 ba u shong phatok. Uwei pat u AAP nongialam u Sanjay Singh, uba la dep pyllait jamin ha u bnai Iaiong.
Shuh shuh u Kejriwal udei uba la shah kem Enforcement Directorate (ED) bad shah tohkit ha ka CBI u la lait jamin bad mih noh na Tihar Jail hadien 2 Sngi.
Ka jingpynngat shah kynnoh Bamsap ia u Kejriwal ka dei ka jingleh ka Bharatiya Janata Party (BJP)
Ka AAP kaba kylla long ka seng saiñ pyrthei ban synshar ha Delhi ka dei ha u 2013 ba katei ka seng ka la jop bun ha ka State Elekshon sha ka Iing Dorbar Thaw Aiñ ka jylla Delhi kaba la ioh ban sar.
Ka seng APP hadien ba ka la jop ha Delhi ka la ioh synshar ha ki jylla Punjab
U Kejriwal u dei uba la ioh khusnam ka “Ramon Magsaysay prize kaba tip kyrteng kum ka “Asia’s Nobel – 2006 na ka bynta ban ai jingtip paidbah shaphang ka Aiñ ” Right to Information” ia ki kam Bamsap bad ka jingpyrshah ia ki seng Saiñ pyrthei ba synshar kum ka BJP bad Kongress ha u 2011 por ba dang synshar ka Congress.
Ban rat dieng khong ia ka kam Bamsap bampong kumta u la seng ia Aam Aadmi Party