Maham Tyngeh Ba Nangne Sha Khmat Ki Dei Ban Kynmaw ia ka Sngi Ba Kyrpang ka Jaitbynriew

Ki Tnat treikam jong ka Khasi Students’ Union (KSU) kiba don ha Sor Shillong bad khap Sor ha ka 6 Tarik Naiwieng 2025  ka la phah khang noh bad pyn sangeh treikam ia kiba bun ki Ophis Treikam kiba don ha Sor Shillong namar ka jingbym burom jong ki ia ka sngi shuti Leh niam leh rukom kaba shisien Shi snem jong ka Hima Khyrim kaba la ju tip paidbah kum ka Shad Nongkrem. 
Kane ka jing Pynsangeh treikam kaba kyndit ka kynthup ia Ki Bank,ki Post Ophis, ki Ophis jong ki Company ka la sdang naduh ki Thain̈ Upper Shillong, Lumdiengjri, Motphran ter ter shaduh ki Thain̈ Khyndai Lad, Keating Road, Laitumkhrah, Nongthymmai,Nongmensong bad kiwei kiwei ruh ki Dong ki Shnong. 
ka jingphah jong ka seng ia ki dkhot ban leit khang ia kiba bun ki ophis treikam ka long hadien ba kim shym la burom lem wat haba la dep pynbna shuti da ka sorkar ruh.  
       Kane ka dei ruh ka jing ibein̈ ia ka jinglong kyrpang jong ka jaitbynriew.
 Ka KSU namar kata ka la Maham Tyngeh ia baroh ki ophis treikam ba nangne shakhmat haba don ki sngi kyrpang jong ka jaitbynriew kum ka Lyngkhuh sngi iap U Tirot sing, Kiang Nangbah, SoSo Tham, Shad Suk Mynsiem, Sengkut Snem, Behdein̈khlam  ki dei ban kynmaw kyndiang  wat nym ap haduh ba ki dkhot ka seng kin wan phah khang, hynrei ki dei ban sngewthuh kaei ka bynta ba ki dei ban leh ban n̈iew burom ia ki sngi kyrpang ka Jaitbynriew. Bad Lada ki Tnat Treikam jong ka Sorkar Pdeng lane ki Company kim tip ne niew burom ia ka Sngi kyrpang ka jaitbynriew jongngi kam don jingmut ruh ban buh ia ki Ophis ha kane ka Jaka jongngi.