Shillong Nailur 10: Ka sorkar Meghalaya hynne ka sngi Ba-ar, kala pynbna ia ka jingsdang jong ka EasyLottery.In, ka Lottery kaba nyngkong eh jong ka Ri India kaba long pura da ka kor Digital.
Ha kane ka jingialang la iadonlang u Myntri Rangbah ka jylla Conrad K Sangma, u Pravin Bakshi Commissioner & Secretary – ERTS, Meghalaya, ka M.S.N. Marak Director ka Meghalaya State Lottery bad kiwei kiwei ki heh ki haiñ.
Ka website https://easylottery.in/ la pyni live ha kane ka sngi ha kaba u nongjop uba nyngkong eh yn ioh ia ka song khusnam kaba kot T.50 klur. Ka EasyLottery.in ka kular ban long ka jingkylla ha ka liang ka jingai ïa ka jingïalehkai lottery kaba khuid ba suba, naduh ka jingthied ia ki tiket haduh ka jingai khusnam da ka pisa.
EasyLottery: Ki bynta kiba kyrpang
Ka EasyLottery kan long kaba kyrpang ha kaba iadei bad ka jingieng skhem ha ka mishon jong ka jingïalehkai lottery kaba don ka jingkitkhlieh. Ia ki rukom pynialehkai la pynwan ha kata ka dur ba kan lah ban lap ia uno uno u briew uba la rem lynter taid, hynrei uba bteng ban thied tiket bun tylli man la ka por bad kumta yn sa pynsangeh shwa shipor ia ka account ialehkai ka jongu. Kane ka long ban pynthikna ba ki nongthied kin pyrshang ia ka nusib ka jongki ha ka lynti kaba shngain bad ha ka bor kaba biang, hynrei ki account kiba jop kin ym shah pynsangeh wat tang shipor ruh.
Ka jingpyrkhat ba kongsan ka long ba ki nongjop kidei ban ioh jingmyntoi na ki khusnam kiba ki jop, hynrei lada jia ba ka poi sha u pud ba ki sdang ban pyni ia ka jingdih buaid ne jingkyrni, ngi lah ban rung bad iarap. Ha ka jingpyrshang ban iada na ka jingpyniaid thok ne jingkylla ia ka pisa, ka EasyLottery ka pynthikna ba tang u nongthied ia ka tiket uba jop udei u nongioh ia ka khusnam ryngkat bad ka polisi jong ka ‘tiket ka long ba ym lah ban pynkynriah sha kiwei pat.
Ki Tiket, Dor bad Khsunam
Ha ka jingpyrshang ban buh nyngkong ia ki nongshong shnong jong ka ri bad ban thaw ia ka lad ban ia jop lang na ka bynta baroh ki nongshimbynta, ka EasyLottery ka pynthikna ruh ba ki jinglut jingsep kiba hapdeng ki long kiba rit. Ka rukom thied tiket ka ai ruh lai tylli ki lad ia ki nongialehkai ban jied bad ki nongialehkai kin jied ia kaei kaba ki sngewiahap bha ia ki kaba long kumne harum:-
Option 1: Ka jingjied lypa, ha kaba ia u nombar tiket la jied lypa da ka system.
Option 2: Ka jingjied ia ka jingkhein baroh, ha kaba uwei u lah ban jied ia u dak naduh uwei haduh khyndai, ha kaba ka jingniew lang jong ki dak jong u nombar tiket kan long katkum ki nombar kaba kila jied.
Option 3: Ka jingjied kaba pura, ha kaba ki nongthied kin ioh laitluid ban jied ia u nombar tiket kaba ki kwah.
Ka EasyLottery kan don ka lad kaba bun tam ban jop ia ki khusnam bapher bapher kaba kynthup ia ka khusnam ba wan nyngkong kaba long 50,00,00,000/-, kaba dei ka khusnam kaba heh tam ha ka histori jong ki lottery ha ka ri India. Kawei pa kawei ka tiket ka shong dor 5,000/-… kaba long kham duna shibun ban ia ki lottery ha ki ri bapher bapher