Shillong, Nailar 21: Mynta ka sngi ka 18 tarik u Iaiong ka sngi ba khadduh ia ka ECI khamtam ha jylla Meghalaya, ba ki polling ophisar jong baroh ki Konstitwensi ha ryngkat ki tum ki tam bad ki tiar mashin thep vote kila mih mynta ka sngi ba kin leit sha ki polling station ha ka jingiathep vote kaban long ha ka 19 tarik mynta u bnai.
Ia ka jingpynkhreh na ka bynta ka jingthep vote ka 19 tarik ki bor pyniaid Elekshon ki la lum iabaroh ki nongtrei Kam sorkar kiba kynthup ia ki nonghikai ban leit sngap ia ka jingpynbna na jaka pynkhreh ka ECI ha Polo.
Kiba ngat lang ia ka duty elekshon ki kynthup ia ki bor pulit ban iarap ia ka jinglong jingman ban suk u paidbah.
Ha kaba bad ki Kali motor ban kit ban bah ia ki tiar mashin ka ECI ka la bat da ki spah tylli naduh kiba rit kiba heh kum ki bus ki maxi sumo kumjuh ia ki Kali jong ki jaka pule ki la wan ban ieng lain na ka bynta ban kit ia ki nongtrei Kam sorkar ban poi sha ki poling station.
