Na ka bynta jong ngi baroh hangne ha Liverpool Football Club, nga kwah ban pynpaw ïa ka jingsngewlem kaba sngewrit sha baroh kito kiba la shah ktah na ka jingjia ba shyrkhei ha Water Street hynnin ka sngi”, la ong u CEO.
“Ka la long kaba stet haduh katta katta”, la ong u Harry Rashid, uba don ryngkat bad ka tnga jongu bad arngut ki khun kynthei kiba dang rit, katba ka minivan, ka dang iaid najan jong ki. “Ha kaba sdang, ngi shu iohsngew ia ka jingsawa pop, pop, pop jong ki briew kiba shu shah pynhap na ka bonnet jong ka kali.” U Rashid u la ong ba ki paidbah ki la charge ia ka kali kaba la sangeh bad sdang ban pynpra ia ki jingkhang. Hynrei u nongñiah kali u la ïaid shakhmat ban mareh lyngba ki paidbah, da kaba pynher krad bad pynmynsaw ïa kiba bun kiwei pat ha ka jingïaid lynti. U Rashid u la kynnoh ruh ba katei ka jingleh ka long kaba la thmu.
Ki pulit ki la ong ba ki dang pynlong ïa ka jingtohkit kaba bniah ban lap ïa kaei kaba la pynlong ïa ka jingshah tynrah kali bad ki la kyrpad ïa ki briew ba kim dei ban shu mutdur ne ïasam ïa ki “jingthoh kiba pynsngewsih online.”
Jingthep
Hato dei ban don ki kyndon kiba kham pyrkhing na ka bynta ki jingrakhe paidbah kiba heh?
Hooid, shisha Em, ka lah ban pynsniew ia ka jingsngewbhaTang lada ki jingjia ki nang kiewNgam thikna
Kane ka jingrakhe ïa ka nam lahduh ka dei ka sien kaba nyngkong ba ki nongkyrshan jong ka Liverpool ki ïoh ban rakhe ïa ka nam lahduh jong ka Premier League, haba kheiñ ïa ka jingshisha ba la khanglad ïa ki ban leh kumta ha u snem 2020 namar ki jingkhang jong ka COVID-19.
Ka kynhun ha ka kyrwoh lyngkot ka la ong ba ki jingpyrkhat bad ki jingduwai jong ki ki don ryngkat bad kito kiba shah ktah. Ka Premier League ka la pynmih ïa kajuh ka jingpynbna kaba pynpaw ïa ka jingkyndit halor ki jingjia kiba shyrkhei ha Liverpool.
