Shillong, Risaw 23 – Ka tamasa Sohphlang ha Mawkynrew ka la khring palat ia ki paidbah jong ka JYlla bad ia ki nongwankai pyrthei haba peit ba sakhi da ki phew hajar ba wan tuid ban bam ia u Sohphlang.
Ia katei ka tamasa Lariti jong u Sohphlang wat la ka dei ha ka sien ba nyngkong eh ba la pyniaid da ka Seng Samla Catholic, Holy Cross Parish, Mawkynrew ha jingiasnohkti ka tnad Lariti Pyneh ia ki Riti Dustur ka Arts and Culture bad ka kam jngoh kai pyrthei nalor kiwei- kiwei ha ka Sngi Saitjaiñ ba la pynlong ia ka tamasa ‘Sohphlang’ myn ha ka 21tarik u Naiwieng.Ka matphang ba la pynlong ka dei ia ka jingbna nam na bynta ka jingiyrngam, ki lum bad ka jingityn-nad mariang, ha kawei ka liang, kaba biang eh na bynta ban pynlong ia kane ka tamasa.
U Sohphlang MAWKYNREW ba na SHnong Mawleiñ bad Pingwait la ju bna na bynta ka jinglong dawai jong u khamtam ki nongsumar khasi ki shna ia ki dawai kynbat. Ki nong- sumar bad nongai dawai tynrai ki pyndonkam ia ki bynta bapher-bapher jong u Sohphlang na bynta ki jngsumar ba bun rukom.
Kine ki rukom sumar tynrai ki la hiar pateng la pateng bad ki iai bteng ban long ki tyllong jingshaniah
: ha ka liang ka koit ka khiah na bynta kiba bun hapoh ka imlang-sahlang.
Ha kajuh ka por, ka jinglong kongsan ha ka liang ka lariti ka la ngam jyliew ha ki riti-dustur jong kito kiba shong ba sah ha Mawkynrew. Naduh ki kam ba iadei ha jinglehniam haduh ki dawai dashin, u Sohphlang
U Sohphlang ha Mawkynrew u iadei bha bad ka jinglong jingman jong ka mariang
Katkum ka jingiathuh ki nongpyniaid, ka tamasa ka pynbiang ia ka lad ka kabu kaba kyrpang na bynta ka
imlang-sahlang ban iawan ang bad rakhe ia ka tamasa Sohphlang, da kaba pdiang ruh ia ka jingiadei jong u bad ki jingthaw ba don jingim lem bad ki sawdong sawkun jong ki, lariti bad ka jinglong kongsan jong u, ha ka liang ka dawai-dashin.Nalor kane, ka tamasa Sohphlang ka long kum ka
rynsan pyninam ia ka jingriewspah jong. ka lariti ka
thaiñ.”Ka tamasa Sohphlang mynta u snem ka dei ka jingrakhe ia ka mariang bad ka lariti, kaba pynkynmaw ia ngi ia ka jingbym lah long la ka jong hapdeng ki nong-
shong shnong bad ka mariang,” la ong ki nongpyniaid.
Ka Seng Samla Mawkynrew Parish kaba shim ia kane ka sien jam ba nyngkong ha ryngkat u Nongaibuit ka Seng u Bah Carmel Lyngdoh ki la pyntyllun ia katei ka tamasa tynrai jong u Sohphlang.
Ha katei ka Tamasa Sohphlang la iasynran lang u Bah Commandar Shangpliang Nongialam ki Nongrep, ki Nongpyniaid shnong, ka Tnad Kam Jngohkai Pyrthei, ka Meghalayan Age, ka NESFAST bad kiwei kiwei.
U Bah Banteidor Lyngdoh u la long u kongsan ha ka jingialang, kum uMLA ka Mawkynrew.
U Bah Lyngdoh u la pynpaw ka
jingsngewkmen ba ha ryngkat ka jingiadon bynta lang, la lah ban pynlong ia kane ka tamasa kaba jop bad bynrap ba yn pynlong noh ĩa ka man la u snem.
U bynrap ka dei kaba la kyrkhu da ka mei mariang, u la ong ba ki jaka jngohkai kiba don ha Mawkynrew ki la kylla long ki jaka kiba ki nongwan jngohkai ki wad bha kum ka Nongjrong, Laithum, Nohron, Syntung bad Umsawwar.
Ka jaka baitynnad kiba la ioh jingiaroh na kiba bun hynrei dang hap pynbit-pynbiang shuh shuh ia ki,” u la ong.
Shuh shuh u la bynrap, “Ngi kwah ba ka kam ingohkai kan dei ka bynta ka ban ai jingkyrshan ia ki
nongshong shnong ha ka ioh ka kot.”
Shuh shuh ha katei ka Tàmasa Sohphlang da ki phew tylli ki nongrep ki la wanrah ia ki mar rep ban Pyni bad Pyni bang ia ki paidbah, nalor ki jingtem bad jingput tynrai na katei ka Dong ka thain Mawkynrew kiba wan ban pyni sap kynthup ia ki nongrwai shimet.
