Nang mih ki samla shlur ban shna iew ban khaii kum ka lad shna kam hi :Local Treasurer

Shillong 15 tarik July – Ka Seng iew mynta ka la long ka lad aikam ia ki samla kiba kwah ban ieng ha la ki kjat lajong.
. Ki lai ngut ki samla treikam bad khaii kam lajong ki la wan shakhmat ban Seng da ka kynhun ban pynlong iew kaba ki ai kyrteng ka Local Treasures ia kaba ki la lah ban khring ia kiba don ka mon ban iasnohkti bad ki.
Ki lai ngut ki samla ki long ka Risa MARY Suting, samla Annie Nongkhlaw bad u samla Rupert Marbaniang.
Kitei ki samla ki wan shakhmat ban lam ia ka iew ha ka bynta ka ar ia kaba ki la pynlong ha All Saint s Cathedral ha i jingsdang kaba rit.
Haba ioh ban iakren bad kitei ki samla ki iathuh ka thong jong ki, ban ai lad ia ki samla trai muluk ba kin ieng ha la ki jong ki kti.
Ka kynhun Treasures ka don ia ka thong ban kyntiew ia ki samla shna kam hi nalade kum ha ki kam thaiñ kti bad kiba donsap ia kj kam shet u Samla Rupert Marbaniang.
Ka Samla Ribha Mary Suting ka iathuh kum ka Samla treikam lajong ha ka liang khaii bad shna ia ki jingdeng itynnad ka kwah jingkyrshan na ki Samla wadkam lajong kumjuh na ki paidbah ban kyrshan ia ki.
Ka samla Annie Nongkhlaw ka khot ka wer ia kiba ban iasnohkti ban wan shakhmat kumjuh ia ka Sorkar ban khmih lem.