shillong 16th: U Paiem Niandro Syiemiong syiem ka Hima Maharam Syiemship ha ryngkat ki Executive Member jong ka Hima hadien ka jingmih ki jingkynnoh na ka seng ka KSU ba u Syiem bad ka EC ki la rai ban ai jaka ia ki shipai ha Photmula kaba hap hapoh ka Ranikor Civil Sub Division, ha ka 15 tarik u Nailar 2025 ki la lum ia ka jing ialang ba kyrkieh ha ophis treikam u syeim ha Mawkyrwat.
Hadien ka jingïalang na ka liang u Paiem Niandro Syiemiong u la pynshai sha ki lad pathai khubor ba na ka liang jong u bad ki dkhot jong ka Executive Member ka Hima kim pat rai ne mynjur ban ai jaka shaki shipai kumba ka KSU ka kynnoh, hynrei ka dang don tang ka jingtyrwa lyngba ki kot jingthoh na ki BSF kaba ki pan jaka kumba 7O Acre eiei na ka bynta ban tei ka BSF Head Quater kum shi bynta ban pynklain ia ka jingiada ha ki jaka khappud ka India bad Bangladesh..
U Pa’iem Niandro Syiemiong u la pynshai ruh ba haduh mynta na ka liang jong u bad ka EC Dorbar Hima kim pat rai ban ai jaka sha ki BSF wat wat la ka la don ka jingtyrwa na ki.