Nongialam ka BJP uba long ruh u MLA ka South Shillong Bah Sanbor Shullai, ha ka sngi Ba-ar ula dawa ia ka Sorkar Jylla ba kan pynkiew noh ia ka Discretionary Grant (DG) jong ki MLA sha ka T.20 lak.

Haba iakren sha ki lad pathai khubor, u Bah Sanbor ula ong “Ha ka por ba nga dang long MLA nyngkong ha u 2008, ka song pisa ka dang dei tang T. 3 lak bad hadien la pynkiew sha ka T. 5 lak bad mynta kala kiew sha ka T.10 lak shisnem. Dang shen ha ka jingialang bad u Lamphang ha ka jingiadonlang u Myntri Rangbah bad Symbud Myntri Rangbah, nga la ai jingmut ban pynkiew noh sha ka T.20 lak naduh u 2025”.

Ula ong ba kane ka song pisa ka dei kaba mang iaki MLA ba kin lah ban ai jingiarap song pisa ba donkam kyrkieh ia ki paidbah, kiba donkam jingiarap, hala ki jong ki jong ki constituency.