Shillong, 24 Rymphang 2026
Ricky Andrew J. Syngkon, MP ka Shillong Parliamentary Constituency, uba la kyllon katba dang ïalehkai phutbol ha Ratson Arena Futsal Ground, Mawiong ha ka 19 Rymphang 2026, la wanrah ïa kane ka mat ban bishar ha ka kabinet jong ka Sorkar MDA ha ka 24 Rymphang.
Hadien ka jingïalang, u Myntri ka Koit ka Khiah Wailadmiki Shylla u la batai sha ki lad pathai khubor halor ka kaiphod jingtohkit kaba la pynlong da u District Medical & Health Officer (DM&HO), East Khasi Hills.
Katkum ka kaiphod:
Ha ka por 6:53 janmiet, ka 108 Emergency Call Centre ka la ïoh pdiang ïa ka phone halor ka jingjia ha kaba la phah mardor ïa ka ambulance sha ka madan jingïalehkai.
Namar jingslem por kumba 5 haduh 7 minit, la ïoh biang ka jingïoh phone ba la rah ïa u nongpang da ka kali shimet ïa u Dr. Syngkon sha Mawiong Community Health Centre (CHC) ha ka por kumba 7:50 janmiet.
Marsien poi ha Mawiong CHC um tip briew bad bym jubab doktor ym don
Ym lah shuh ban ïoh jingthew ïa ka blood pressure.
Ym don pulse ki nongtrei ka koit ka khiah kiba don ha ka emergency duty ryngkat bad u Medical Officer on call ki la sdang mardor:
Ban ai oxygen
Ban leh CPR (Cardiopulmonary Resuscitation)
Ban ai jingïarap ba nyngkong (basic life support)
Watla la pyrshang katba lah, ym shym la don jubab. Namar ka jingma jur, la pyntip sha ka ïing ka sem bad la ai jingmut ban pynkynriah mardor sha ka hospital kaba kham heh.
La Pynkynriah sha Robert Gordon Hospital
La pynkhreh ïa ka ambulance jong ka CHC bad oxygen support bad la pynpoi ïa u sha Robert Gordon Hospital ha ka por kumba 7:40 janmiet, ha kaba la aiti sha ka emergency department ban bteng ïa ka jingsumar.
Katkum ka kaiphod jong ka hospital, ym shym la lah ban ïoh jingthew ïa ki vital signs bad ki pupil ki la long fixed bad dilated.
La sdang mardor ïa ka jingbishar bad jingïarap ba nyngkong.
Ki nongtrei ka CHC ki la leh katkum ka bor bad ka jinglah jong ka Community Health Centre.
Ym shym la shem ïa kano kano ka jingbakla, jingpynslem ne jingkyndait ban ai jingsumar.
Ka Tnad ka Koit ka Khiah ka la pynpaw ïa ka jingsngewsih kaba jur sha ka ïing ka sem bad sha ki paidbah ka jylla.
Ka Jingduna ki Doctor ha Mawiong CHC
U Myntri u la kubur ba ka jylla ka dang mad ïa ka jingduna kaba jur ha ki doctor ha ki PHC bad CHC.
Don saw ngut ki doctor kiba la thung.
Ar ngut ki dang leit pule PG.
Uwei la pynkynriah shawei namar ka jingpang.
Tang uwei u doctor u dang don ha ka kam, u ba trei naduh 9 baje mynstep haduh 4 baje janmiet bad u long on call.
U Myntri u la ong ba katkum ka rukom dei ban don doctor 24×7 ha CHC, hynrei namar ka jingduna, ka jylla ka mad jingeh.
U Myntri u la pyntip ba: La ïoh jingmynjur ban thung 150 ngut ki doctor contract.
Ka jingthung kam ka dang ïaid shakhmat.
Ka batch kaba nyngkong (50 ngut) ka la sdang pule ha Shillong Medical College.
Ha ki snem ban wan, yn sa ïoh shuh shuh ki doctor na ki medical college.
U la pynpaw ka jingkyrmen ba ha ki snem ban wan, ka jingduna ki doctor ha Meghalaya kan sa duna katba nang bun ki doctor kiba wan rung sha ka kam.
Ka Cabinet ka la pynkut da kaba ong ba watla kane ka jingjia ka long kaba sngewsih bha, hynrei ki nongtrei ka Mawiong CHC ki la leh katkum ka rukom bad ka bor kaba ki don.