Phah Nongpeit pyrman ka AICC sha Ri Bhoi ban jied thymmai ïa ki nongkitkam Congress lyngba ka “Sangathan Srijan Abhiyan”

Shillong, 18 Rymphang – Hadien ka jingiehnohkam jong ki nongkitkam ka Seng Congress ha Ri Bhoi District, mynta ka sngi na ka liang ka All India Congress Committee (AICC) ka la phah ïa uwei u Observer lane nongpeit nongkhmih, u John Richard Lobo, uba dei ruh u IAS barim na jylla Mangalore, ban wan sha Ri Bhoi District.
U la wan ban pynlong ïa ka prokram “Sangathan Srijan Abhiyan”, kaba thmu ban jied thymmai ïa ki nongkitkam ka Seng Congress hapoh ka District.
Ha kane ka sngi, la iadonlang ruh:
U Observer ka AICC u John Richard Lobo
U Adhoc President ka Seng Congress Ri Bhoi, u Bah Jonathan Syiem
U Bah Rocky Marwein
Lem bad kiwei pat ki nongkitkam ka Congress
Ha ka jingïalang, u Nongpeit pyrman u la aiti ruh ïa ka Application Form sha u Adhoc President, u Bah Rocky Marwein.
Haba ai jingkren sha ki lad pathai khubor, u John Richard Lobo u la ong ba ka jingwan jong u sha Ri Bhoi ka long ban:
Jied ïa ki nongkitkam thymmai ka Congress
Ioh jingmut na ki paidbah paidbah ba ïano ki kwah ban long u President jong ka District
U la pyntip ruh ba un leit sha baroh 5 tylli ki Constituency hapoh Ri Bhoi ban ioh jingmut na ki longkmie longkpa bad ki khun samla, khnang ban pynkhlain ïa ka Seng Congress kumba ka long ha ki snem ba la leit.
Shuh shuh u la ong ba ka AICC bad kum u Observer ruh kim lah ban treikam khlem ka jingiasnohkti lang ki paidbah naduh ka Grassroots level haduh ka District level.
U la kyrpad ïa ki paidbah nongkyrshan ka Congress ba kin kyrshan lang ïa kane ka Sangathan Srijan Abhiyan, khnang ba ka seng kan ioh ban jied ïa ki nongkitkam kiba pura bad kiba lah ban ialam bha ïa ka party ha ka district.