Phet u Director NEIGRHIMS shwa ban leit thiah miet ka KSU hakhmat Ophis treikam

U Director ka NEIGRHIMS u la phet tuh noh na shiliang katei ka ophis hadien ba ka KSU pynlong jingiakhih hakhmat ka ophis treikam u Director ka NEIGRHIMS, ban dawa pynbeit ia ka rukom thungkam thungjam ha katei ka jaka sumar.
Ka jingiakhih ka Seng KSU ka la leit ban tur bad iakhih hynne ka step jong ka 01 Tarik u Jymmang 2025, ban dawa pynbeit ia ka rukom thungkam thungjam katkum ka jingkwah ki paid ka jylla.
Namar ka jingbym wan iakren u Director bad ban ai ia ki jingdawa, mynta ka miet ki Dkhot ka seng KSU ki la pynlong syndon da ka jingiathiah miet hakhmat ka ophis treikam u Director ka NEIGRHIMS, Hospital ban rah da ki plakad hynne ka step ban pyrshah halor ka jingbym suitniew u Director ka NEIGRHIMS ia ki mat jingdawa ka seng na ka bynta ki samla thepkam jong ka jylla.
Katkum ka jingdawa ka KSU u Director um shem la sngap ia mat jingdawa ba ka seng ka la buh hakhmat naduh ki bnai ba ladep ka la pynlong ia ka seng da ka jingiakhih da kaba thiah miet.
Na ka liang kan pynjur ka jingiakhih katba ym lah ban pynurlong.