Kum shi bynta ban rakhe ia ka jingdap 50 snem jong ka skul Raid Mukertilla Upper Primary School kaba don ha ka Shnong Umsyiem, Pynursla Civil Sub Division, ka skul ryngkat bad ka shnong ka la pynlong ia ka jingialehkai Criket T.20 ha ka10 tarik mynta u bnai.
Ia kane ka jingialehkai Cricket la plie pyrda da u Bah Commander Shangpliang uba dei u President jong ka Hill Farmers Union (HFU) bad kumjuh ruh uba dei u President jong ka seng ki nongshna phlim ka Meghalaya Film Makers Association.
Ha kane ka sngi la iadon lang ki nonghikai, u Sordar jong ka Raid Mukertilla, Rangbah Shnong Umsyiem bad kiwei kiwei ki riew Rangbah nalor u bah Restone Khongtani uba dei u Chairman jong ka Riwar Environmental Protection and Social Development Organization uba la shah khot kum u symbud kongsan.
Ha kane ka sngi la sdang ban ialehkai hapdeng ka Pynursla Cricket Club bad ka Bakur International ha kaba ka Bakur International ka la khur ia ka jingjop. Ka khusnam na ka bynta ka team ka ban ioh rah ia ka jingjop kan long 50 hajar tyngka bad ka trophy katba ka ban wan baar kan ioh rah T.30 hajar ryngkat bad ka trophy.