Shillong – Ka Sorkar Jylla ka la ngat ha ka jingpynsaja ha ka Iingkashari Meghalaya High Court myn 19 tarik u Nohprah lyngba ka hukum ba kan pynkynriah kam noh mardor ia u Superintendent of Police (SP) ba mynta ka East Jaintia Hills namar ka jingbym lah ban pynsangeh ia ka jingtih tuh ia u dewiong bad jingshalan hapoh ka District. Halor ka nongrim la paw ha ka 19th Interim report ba u SP ka East Jaintia Hills District u Jagpal Singh Dhanoa um lah ban rat dyngkhong ia ki kam beain halor u Dewiong ha katei ka distrik.Ia katei ka hukum na u Chief Justice (Acting) HS Thangkhiew bad Justice W Diengdoh ban pynkynriah ia Utei u SP ka East Jaintia Hills District aka kam ba u bat mynta bad thung mardor da uwei u Ophisar ba lah ban treikam hapoh ka District “ ong ka Iingkashari
Ka hukum ka ong ba u Superintendent of Police kumba la pyntip, ula shah thungkam ha EJH naduh u snem 2021 bad u namar kata, u dei ia kaban tip bha ia kaei kaba jia hapoh ka District. Shuh shuh ka
Ka Iingkashari kala hukum ruh ia ka Tnad kam Pohiing bad ia u Director General of Police ba kin leh eiei mardor halor kane ka hukum. Shuh shuh ka Iingkashari kala bthah ban ai da ka notice contempt pyrshah ia ki bor District halor ka jingkdew jong ka interim report ia ka jinglap biang ia ka jaka pyllang dewiong ba thymmai harud surok National Highway ha Byndihati nalor u dewiong bala pyllang ha lyndet ha Don Bosco College.
