Pyndonburom ka Khasi Jaiñtia Synod Sepngi ia u Kpa thoh Dak Khasi u Thomas Jone

Shillong – Ka Ophis Khasi Jaintia Synod Sepngi ka pyndonburom bad kynmaw ia U Kpa Thoh Dak KHASI ne U kPa Alphabet ABKD ia kaba la pynlong ha K.J.P.S. Conference Hall kaba don ha Mission Compound.
Ia katei ka Sngi kynmaw burom ka Balang Presbyterian Ia U nong wànrah Jingngeit Balang bad U nongseng ia Ki Dak pule Khasi U Thomas Jones la ialam da u Moderator Pastor I.W. Nongsiej ia kaba la don lang u R.T. Shangdiar Executive Secretary, Kong A. Kharsyntiew Finance Secretary ka Jingiaseng Kynthei Synod.
Ka K.J.P. Synod Sepngi kum ka jingsngewnguh ia U Thomas Jones ban ài burom kum u nongprat lynti ia ka thoh ka tar khasi la ioh ia ka jingrwai shaphang ka jingim Jong u Thomas Jones ha Ki Sngi ba U RI Khasi hapdeng ka jingeh ba la rwai ha ka jingialam I Samla K.Disiar bad sàmla B.Nongrang.
Katba U Tymmen Basan Dr. D.R.L.Nonglait U President ka KAS u long u kongsan bad U nongpharia ia ka Khana lyngkot shaphang u Thomas Jones.
Ha ka jingkren Jong u Dr. D.R.L.Nonglait U la batai ba U Thomas Jones u long u nonglam lynti ia ka Jaidbynriew Khasi ban tip ban shemphang ha ka imlang ka sahlang bad ban tip ia ka thymmei Jaidbynriew.
Ha ka jingiathir iatai shaphang U Thomas Jones ba ka KJP Synod ka la buh dei ba U Thomas Jones U dei U Riewkhraw Jong ka Synod Presbyterian ka Ri Khasi Jaintia bad U rangialeh pyrshah ia Ka Sorkar Phareng iathuh U Dr. D.R.L.NONGLAIT.
Ha Ki snem nyngkong ba U poi nyngkong ha Ki Lum Khasi U Thomas Jones 1841 ka long ka jingiàleh kaba jur bha ia ka Jaidbynriew Khasi bad Ki jingngeit Niam iathuh utei u Professor DR. D.R.L.Nonglait
U DR. D.R.L.Nonglait kum u President ka KAS u iathuh ba U Thomas Jones U dei U syniang bakhraw ia ka jylla Meghalaya ha Ki Dak thoh Khasi ha Ki Pateng mynta ia kaba U la lah ban thoh Kot, U la long u nonghikai bad U nongseng skul ba nyngkong ha ka Jylla.
Shuh shuh U Dr. D.R.L.Nonglait U iathuh ba U Thomas Jones U dei U nongpynkylla ktien na ka Welsh bad English Sha Khasi ia kaba la lah ban Iaineh haduh kine Ki Sngi.