Ka Education Department jong ka North-Eastern Hill University (NEHU), Shillong, ha ryngkat ka jingiatreilang bad ka North Eastern Regional Centre (NERC) jong ka National Institute of Rural Development and Panchayati Raj (NIRDPR), Guwahati, kan pynlong ia ka Workshop kaba shisngi halor ka ICT-Focused Pedagogies, ha ka 25 tarik u Naiwieng.
ka jingthmu kaba kongsan jong ka workshop ka long ban pynkupbor ia ki nonghikai nonghikai, khamtam kito kiba shakri ha ki nongkyndong jong ka jylla Meghalaya, da kaba pyndap ia ki jingduna ha ka jinghikai nonghikai bad ban kyntiew ia ka jingtreikam jong ki kamra klas lyngba ka Information and Communication Technology (ICT). Ia kane ka jingialang kin pynlong khnang ban kyntiew ia ki rukom hikai kiba pyndonkam da ka teknoloji, kiba pynshong nongrim ha ki khynnah skul kiba iadei bad ka jinglong jingman leit skul.
ïa kane ka workshop kaba la buh ban sdang naduh ka por 10:00 baje mynstep yn sa pynkup burom da u Prof. S M Sungoh, Vice-Chancellor (In-charge), NEHU kum ka Kongsan. Ha kane ka jingïalang yn kynthup ruh ïa ki jingkren na ki nonghikai mihkhmat jong ka NIRDPR.
Ha baroh kawei ka sngi, kane ka workshop kan don lai tylli ki session ban ïalam da ki riew shemphang kiba ai jingïarap. Kine ki jingïalang kin pynleit jingmut ha: Ka jingpynrung ïa ki rukom hikai digital ba la shna kyrpang na ka bynta ki jinglong jingman jong ka jingpule ha nongkyndong, Ka jingpynbha ïa ka jingnang jingstad digital jong ki nonghikai, ka jingwad ïa ki tiar ba lah ban pyntreikam ban pynïasoh ïa ka teknoloji ha ka jinghikai ha ki kamra klas.
Nalor ki jinghikai shaphang ka jingstad, ki nongiashim bynta kin iashim bynta ha ki jingiakren ba iadei ban bishar bniah ia ki jingeh bad ki lad ha ka pule puthi ha nongkyndong, ban pynroi ia ka rynsan na ka bynta ka jingpule ba iatreilang bad ka jingiadei hapdeng ki nonghikai na kylleng ka thain.
Ki jingthmu jong kane ka jingialang ki long Ban Pynrung ia ki rukom hikai ba pynshong nongrim ha ka ICT na ka bynta ki nonghikai nongkyndong, ban tei ia ka bor ban pyniasoh ia ki tiar digital ha ki rukom hikai ba man ka sngi, ban weng ia ki jingeh ha ka thain ha kaba pyntreikam ia ka teknoloji ha ka pule puthi, ban pynshlur ia ka jinghikai paralok bad ka jingiatreilang ha ka kam.
Ka Education department, NEHU, ka khmih lynti ia ki jingiakren kiba seisoh bad ki jingmih kiba lah ban leh na kane ka jingialang, kaba pynpaw ia ka jingangnud jong ka na ka bynta ka jinghikai kaba kynthup lang bad kaba bha ha ka thain.
