BANGLADESH : Ka Sheikh Hasina kaba dei ka Myntri Rangbah duh barim jong ka Bangladesh, kaba la shah weng jubor na ka shuki, ka la ong ba ka long “kaba bieit bad ban pynrem ïalade” jong u Muhammad Yunus ban buh jingma ïa ka jingïadei jong ka ri bad ka India.
Ha ka jingïakren bad ka PTI, ka Hasina ka la ong ba ka India “ka long kaba kongsan tam halor ka jingiadei bad ka ri Bangladesh”.
Kum ban shu pyn kynmaw b iang ba dei Ha u snem ba la dep, ka Hasina, ka la leit ban phet rieh sha ri India, hadien ba ki jingïakhih pyrshah sorkar, ki la ïaid da ki taiew bad ki jingïakynad ha surok, ki la nang jyllei khlem da lah ban tehlakam. Ki kynhun Islam kiba la ïatreilang bad ki shipai kila pynskhem ïa u Yunus kum u nongsynshar bym shym la shah jied da ka ri.
Naduh ba u la shimti ïa ka kam, u Yunus u la pynïaid ïa ka jingpynrung ïa ki nongïalam Islam kiba shyrkhei kiba la shah kyntait hapoh ka jingsynshar jong ka Hasina. U la pyllait ruh ïa ki katto katne ki lehnoh na ki phatok bad um shym la lah ban ïakhun pyrshah ïa ki jingshah thombor ba man ka por ïa ki jaitbynriew rit paid, kynthup ïa ki Hindu.
Kum ka jingsiew kylliang ha ka sain pyrthei, u Yunus bad ki paralok jong u, ki la khang pyrshah ia ka Bangladesh Awami League jong ka Hasina, ban ia shim bynta ha ka jingiakhun election ha u snem 2026
Ka Hasina ka la ong ba ka jingkhang ia ka seng jong ka kan long kan long ka jing duhnong kaba khraw ia ka ri bangladesh hi baroh ha ka jing ia shim bynta ha ka election ka ban sa wan
Da ki phew million ngut ki briew ki kyrshan ïa ngi, Kata kan long ka kabu kaba la jah rngai bha na ka bynta ka ri jong ngi, kaba donkam eh ïa ka jingsynshar sorkar da ka jingmynjur jong ki paidbah. Nga kyrmen ba kane ka jingkhang biej kan sa weng noh, La ka long ha ka sorkar ne ha ka liang pyrshah, ka Awami League ka donkam ban long shi bynta jong ka jingïakren saiñ hima sima ha Bangladesh, la ban biang ka sheikh hasina
Ka Hasina ka la ai kyrteng ia u Yunus kum u briew uba bat ia ka bor synshar da ka jingkyrshan jong ki riew lehnoh. Bad ka la pyniadei ia kata bad ka jingshun jong u ia ka ri India.
Wat hapdeng ki kam jong u Yunus hynrei ka Hasina ka la ong ba ka jingïadei kaba “iar bad kaba jylliew” hapdeng ka India bad ka Bangladesh ka dei ban lah ban ïakhun pyrshah ïa ka “jinglong biej jong ka jingïalehkai hapdeng jong u Yunus”.
Katba ïa ka jingsngewkhia halor ka jinglong jingman kaba don jingshun ha Bangladesh mynta, ka Hasina ka la pynthikna ba ka jingsynshar jong u Yunus kam pyni ïa kaei kaba ki paidbah ki pyrkhat bad ka India kan dang long ka “paralok ba kongsan tam” jong ka ri.