Shillong – Halor ka mat jingthungkam ia ki nurse ha NEIGRIHMS ka HYC ha ka jingialam u president u bah Roy Kupar Synrem ki la leit iakynduh ia u MP ka Rajya Sabha u Dr. W. R. Kharlulhi pan jingiarap ban rah ia kane ka mat sha ka tnad ka koit ka khiah na ka bynta ban pyntreikam noh mardor ia ka jingkhein 80:20 hapdeng ki kynthei bad ki shynrang ha ka jingthungkam ia ki nurse ha ka NEIGRIHMS.
U bah Roy u iathuh ba ka seng ka kwah ia u MP ba un rah ia katei ka kam ha ka tnad namar ba ka dei ka seng ba ka bynta jong ka NDA ha Delhi, ngi kwah ba un kit ia ka jingkitkhlieh na ka bynta ki paidbah ka jylla.Lada ka AIIMS ka lah ban pyntreikam ia ka 80:20 kynthei bad shynrang, balei ka NEIGRIHMS kam lah ban pyntreikam ia kum katei ka polisi.
U Bah Roy u iathuh ba ka seng ka la ai lut ia ki kot ki sla sha u MP ba un shim khia bha ia kine ki mat khnang ba kan nym ktah ia ki kandidet ha NEIGRIHMS haba iadei bad ka jingpynrung kam nurse.
U bah Synrem u la pyntip ba ka NEIGRIHMS ka la thoh sha ka tnad ka Koit ka Khiah ha ka 9tarik Jylliew 2024 kynthup ban pan jingmynjur na ka tnad ban pyntreikam ia ka kyndon 80:20 Kynthei: Ki Nurse Shynrang jong ka National Importance kum ka JIPMER ha kaba 80% ki post jong ki Nursing Cafema Fema ba la reservdi ki dei ki kam ba la buh kyrpang.
Ia kane ka mat la pynpaw hadien ba ka NEIGRIHMS ka la khot ban pyndap ia ki 105 tylli ki kam jong ki Nursing Officer hynrei katei ka jingpynbna kam shym la batai bniah kumno ka jingkhein ia ki Nurse kynthei sha ki shynrang ban thung. 80:20 ka jingkheiñ kynthei bad shynrang bad kiwei kiwei ki kolej sumar ruh ki la leh kumta ngin shim ïa ka (ryngkat bad ka Centre).”
Kat kum ka jingïathuh jong u, ka NEIGRIHMS ka don kumba 40 tylli ki tnad/ki jaka bapher bapher ha kaba la buh ïa ki Nursing Ophisar bad tang 3 tylli na kine ki tnad ki dei ki ward jong ki shynrang.
Hynrei ka Ministry vide ka shithi jong ka 08-08-2024 ka la jubab ba “Lah ban ai jingmut ïa ka NEIGRIHMS ba kan nym shim ïa ka jingpynbeit ïa ki nongsumar kiba 80:20 (Kynthei: Shynrang) kumba la shim da ka AIIMS, NEW Delhi”.
“Kane ka jingai jingmut jong ka Tnad kam ktah tang ïa ka jingpynïaid jong ka NEIGRIHMS hynrei ka ktah ruh ïa ka jingsngew jong ki nongpang kiba wad jingïarap ha ka Institute,” u la pynpaw.