Shillong, Rymphang 22 : U Bah Charles Pyngrope MLA TMC na 21 Nongthymmai konstituensi u la rah ha Iing Dorbar Mang Tyngka ban iatai ha ka kynta Zero Hour ha ka sngi Palei, ia ka jingsngewkhia ia ka thombor bad shah pyndik ki Khristan.
Na ka liang utei u MLA liang pyrshah u dawa ia ka Sorkar Jylla ba donkam ban shim khia dei ban pynsangeh ia ki jingshah thombor bad shah pyndik ki Khristan.
U Bah Charles u Iathuh ba ka jingdawa kala mih halor ka jingjia ha kaba kawei ka Sister Rose Mary na Siju, South Garo Hills, kala shah tim sha tla da ki ktien khlem akor bad shah bret nalor ka bos ha Assam katba ka dang leit na Duhnoi sha Goalpara dang shen.
Shuh shuh u Bah Charles u bynrap tang namar ba ki phong ia ki jain ne jingdeng niam ka dei ka bym lah pdiang, bym pat ju iohsngew bad ka bym iahap satia
Ka jingpyndik ia ki briew …kum kine ki jingjia kila jia namar ki jingkren sniew bad jingkynshoit pyrshah ia kane ka niam.
Haba Jubab ia kane u Conrad K Sàngma mar ia ioh jingtip ia kane ka jingjia, ula kren mar mar ia u Myntri Rangbah ka Assam Himanta Biswa Sarma hynrei ula ong pat ba ki jingtip bala ioh ki dei ki bym pat biang satia ban buddien bha da ki bor ka Sorkar.
Ia ki jingtip kiba bniah namar ia mynta, ki jingtip ba dang ioh ka dei tang ka sngi bad ka por lem bad ka jaka ba ka leit.
U Myntri Rangbah u kular ba ka Sorkar kan pyrshang khlem sangeh ban pynthikna ba kum kine ki jingjia kin ym jia shuh ha kano kano ka jaka jong ka Ri.
