shillong Naiweing 6 :Rakhie ka NCC ia ka jingdap 75 snem bad la pynlong iakane ka program ha Soso Tham Auditorium,Shillong.
U myntri ryngbah ka jylla u Conrad Sangma ha ka jingkren jong u la ai ka jingkhublei ia ka NCC namar ba ka la trei shitom haka ban kyntiew ia ka ri hi baroh kawei bad ban ai kam ia ki khynnnah samla ha kine ki 75snem ki ba la leit. ka jingpynlong bad ka jingsdang jongkane ka car rally ka long ka kaei kaei ka ba don jingmut bha namar ba ka plei ia ka lad bad ka lynti ha kaba ki samla jong ka jylla ki ioh ban kynduh ia ki briew ki ba wan na kawei pat la jylla jong ka ri bad kane kajingiakynduh jong ki samla jong ka jylla ka pynlong ia ki ba kin iatylli lang , ban ia sngewthuh jingmut bad burom ia iwei pa iwei.
shuh shuh ruh u la ia ka jingkhublei ia ka Maruti Susuki namar ba ki la iarap haka ban pynurlong ia katei ka program.U la ong ruh ba u kwah ban iohi katei ka rally ym tang ban sahkut tang ha ka Northeast hynrei ban ai ia ka lad ia ki samla jong ka jylla ban leit jngoh kylleng ka ri india.
U Conrad Sangma u la ong ruh ba ka sorkar kan kyrshan ia ka NCC. u la pynshai ia bun tylli ki program jong ka Sorkar Jylla , kaba kynthup iaka YESS meghalaya kane ka YESS meghalaya ka ai ia ka jingkyrshan kumba 1lakh tyngka ia ki seng samla jong ka jylla. u la ong ruh ba kane ka sorkar ba mynta ka la kyrshan haduh 3000 tylli ki seng, bad u la ong ruh ba ka sorkar ka don ka jingthmu ban iarap ia kumba 10000 tylli ki seng .
U conrad Sangma u la ong ruh ba ka Meghalaya Grassroot program ka la iarap ha ka liang ka pisa bad ban plie ia ka lad kalynti ia ki nongrwai jong ka jylla da ka ba ai ia ki ia ka rynsan ban pyni ia ki sap rwai jong ki kum ha ki cafe, restaurant bad ha ki jaka jngoh kai. u la iathuh ruh ba haka shisamoi ka sorkar ka laiarap kumba 1500 tylli ki kynhun nongrwai bad ka jingthmu jong ka long ban iarap bad kyrshan ia kumba 3000 tylli ki kynhun nongrwai lyngba kane ka Meghalaya Grassroot program.
hakane ka jing la don ryngkat lang da u Metbah Lyngdoh, Chairman jong Meghalaya State Planning Board, Major General Gagan Deep, ADG, NCC Directorate Northeastern Region, Ram Suresh Akella, Executive Director of Marketing, Maruti Suzuki India Limited, Commissioner Secretary, Director General of Meghalaya Police, District Commissioner East Khasi Hil bad kiwei pat ki shipai officer.
