Ka seng HANM Ranikor Circle ha ka 4 tarik u Jylliew 2024 hapoh ka jingialam u Bah Brustar Thongi ryngkat ka jingdon lang u bah B. Wahlang, Vice President HANM SWKHD hadien ka jingioh jingujor na ki paidbah halor ka jingsator ki jingkieng na ka daw ka jingiaid jong ki trok kiba kit dewiong bad kit coke kiba kit overload man ka sngi , ha ka sngi ka 4 tarik u naitung 2024 ki la leit ban jurip ia ki jingkieng dieng kata naduh 18 mile terter shaduh Photkroh.
Ha kane ka jingjurip ka seng ka la lap ba bun na kitei ki jingkieng kiba don kumba 8 tylli eiei ki la sdang ban jot.
Shuh shuh ha ka signboard la iohi ba ka tnat PWD ka la buh ia ka jingthoh ba tang hapoh 9 ton lah ban iaid na kine ki jingkieng hynrei kaba sngewsih ka long ba ki trok kim bud ia katei ka kyndon.
Kumta ka seng HANM Ranikor Circle ka la kyntu jur ia ka sorkar bad ki bor pukit ba kin tuklar lem halor ka jingiaid sahuh jong kitei ki trok kiba kit overload bad ka seng ka la maham ba lada ki bor sorkar kim shimkhia ka seng kam banse ban shim da kiwei pat ki sienjam