America : Tang hadien da ki sngi ba U Zohran Mamdani u la shah jied ban long u Mayor ba thymmai jong ka New York u la ngat ha kiba bun ki jingshah kynthoh jong u halor ka rukom kren sarong jong u ha ka por ba u dang ai jingkren sha ki paid bah ha mar bala pynmih ia ka result jong ka jingjop ha kaba u Van Jones uba dei u nonglum khubor u la kynthoh jur halor ka jingkren jong u da kaba ong ba um sngewtynnad satia ïa katei ka jingkren jong u Mayor Zohran Mamdani
U Zohran Mamdani u nongmihkhmat ba thymmai jong ka nongbah New York, uba dei na Uganda bad India, u la don ka jing “kylla dur” mardor hadien ba la pynmih ia ka result. U Mamdani uba la don 34 snem ka rta, u la long u Mayor ba khynnah tam jong ka New York, hadien ka jingjop jong u, ha ka elekshon ha kaba u la pynliem ia u Independent Andrew Cuomo bad u Republican, U Curtis Silva.
U Jones u la ong shuh shuh ba ka sur kren jong u Mamdani ha ka jingkren jop ka la pynlong ia kiba bun ki briew ban sngewthuh bakla hato un kynthup ne em ia ki. “Hato un kham long u nongialehkai ha ka kam? Nga tharai ba u la duh ia ka lad ban plie bad ban wanrah shuh shuh ia ki briew hapoh ka ryndang jong u.” “Nga tharai ba u la duh ia ka kabu. Nga tharai ba u Mamdani uba ngi la iohi ha ka por jong ka jingleit ialap elekshon, uba kham jemnud shibun, uba kham sngewrit shibun, uba kham pdiang sngewbha shibun, um shym la don shuh ha kajuh ka kyrdan kumba ula long
Utei u Mayor ba dang shu dep shah jied, ha ka jingkren jong ka jingjop jong u, u la kren da ka sur kaba pyrshah ia U President Donald Trump jong ka America, da kaba ong, “U Donald Trump, namar ba nga tip ba phi peit, nga don saw tylli ki kyntien na ka bynta jong phi:
Ha kaba ïadei bad ka jingkren jong u Mamdani, u president jong ka US u la ong, “Nga pyrkhat ba u dei ban long uba sbun bha ïa nga, nga dei uba hap ban mynjur ïa shibun kiei kiei kiba wan sha u.”“Nga kwah ban pynlong ïa u ban jop. Nga kwah ban pynlong ïa ka nongbah ban jop. Ngam kwah ban pynlong ïa u ban jop.” “Nga tharai ba u la sdang sniew bha”, la ong u Trump bad ai jingmut ba u Mamdani u dei ban poi sha Washington.