Shillong, Nohprah 06 : Ka National People’s Party ka la sei ia ki masi kyrtong ban iakhun elekshon ha ki ar tylli ki District Council ha KHADC bad JHADC.
Ka (NPP) kaba synshar ia ka Jylla, hadien ka thup kyrteng jong ki kyrtong kiban mih aireng ha ka elekshon Autonomous District Council (ADC) ha Ri-lum Khasi Jaintia, ka ban long ha u snem ban wan ka la kop ban ioh synshar marwei.
Ia ki Masi kyrtong ban iadur la pyllait paidbah hynne ka sngi Thohdieng da u Working President ka NPP-Meghalaya State Unit Bah Hamletson Dohling ha ka jingiadonlang u Nongaiktien ka NPP Bah Himalaya M Shangpliang bad kiwei kiwei ki Nongialam.
Na kane ka thup KHADC , ka NPP ka dang pynbna mynta tang 18 ngut ki kyrtong ki ban aireng ia ka eleshon sha ka Iingdorbar Thaw Ain ba 29 ngut jong ka Khasi Hills Autonomous District Council (KHADC).
Napdeng kine ki kyrtong, 9 ngut ki dei ki MDC ba mynta jong kane ka Council kiba kynthup ia u Chief Executive Member (CEM) Bah Pyniaid Sing Syiem bad u Chairman ka Council Bah Lamphrang Blah.
U Bah Pyniaid Sing Syiem u la phet noh na Sohryngkham Constituency, mynta un aireng na ka 16-Nongthymmai constituency.
Kiwei pat ki MDC ba mynta kiba la mih kyrteng ki dei ka Kong Grace Mary Kharpuri na Nongskhen, ka kong Macdalyne S Mawlong na Umsning, Bah Rangkynsai Kharbuki na Umroi, Bah Alvin K Sawkmie na Mawsynram, Bah Fantin J lakadong na Laitumkhrah-Malki, Bah Lamphrang Blah na Mawphlang-Diengiei, Bah Batskhem Ryntathiang na Mairang-Nongkhlaw, bad Bah Carnes Sohshang na Mawkyrwat.
U MLA barim ka Rambrai-Jyrngam Bah Kimfa S Marbaniang ruh ula mih kyrteng kum u kyrtong ban iakhun ha kane ka elekshon na Rambrai-Jyrngam, ha ka jaka jong u Kynum bad MDC ba mynta Bah Bajop Pyngrope.
Arngut ki MDC barim kila mih kyrteng kum ki kyrtong bad kine ki dei u Bah Donevan Kharwanlang u ban aireng na Sohra bad ka kong Rona Khymdeit ka ban aireng na Nongpoh constituency.
Kane harum ka dei ka thup kyrteng ki kyrtong:
Ha JHADC:
Ka NPP kala pynbna kyrtong ha baroh 29 tylli ki ADC constituency jong ka JHADC bad kine ki kynthup ia 12 ngut ki MDC ba mynta kynthup ruh u Chief Executive Member (CEM) bah Thombor Shiwat bad u Chairman ka Council Bah Shankey Shangpung.
Kine ki MDC ba mynta kiba la mih kyrteng ki dei u Bah Holando Lamin na War Central, Bah Het Pohthmi na War West, Bah Lakhon Dkhar na Amwi-Khliehtyrshi, Bah Ailad Bhoi na Mukhla-Ummulong, Bah Jesse Suiam na Moodymmai-Nongkhroh, Bah Eneningstar Teron na Mynso-Nongjngi, Bah Rudaioo Tang na Shilliang Myntang, Bah Aiborlang Shadap na Barato-Mukroh, Bah Phasmon Dkhar na Musniang-Rngad bad bah Hambertus Nongtdu na Sutnga-Nongkhlieh