Shillong – Haba don jingieid kaba jwat ban iaineh bad iaishah baroh ka poi shaba kut ka thong.
Ki 25 snem jong ka jingiaid lynti ha ka jingiathoh shongkurim jong u Bah Mitchell Wankhar bad ka kong Emmylya Lamin ka long ka jingkyrkhu ia katei ka longiing longsem ha kaba ki la ioh khun ioh kti.
Ka longiing longsem jong u Bah Mitchell Wankhar bad ka kong Emmylya Lamin ki la ioh ban pynthymmai bad shim biang ia ka jingkular Sakrament poikha poiman da ka Nguh ka Dem ha ka Mass Bakhuid ha Laban Parish.
Kitei ki shijur kiba la kynjoh 25 snem jong ka Sakrament poikha poiman ki la ban Pyni nam ia ki dur ki dar ha ka por ba ki ïakynduh nyngkong.
U Bah Mitchell Wankhar bad ka Kong Emmylya Lamin ki la leh burom ia ka Sngi kyrpang jong ka jingkyntiew kurim 25 snem.
