Ka TMC Meghalaya hapoh ka jingialam jong u Dr. Mukul Sangma ka la leit ban pynlong ia ka jingiakhih pyrshah sha Dlehi da kaba rah placard ban daw na ka sorkar India ba ka dei ban pyndam noh ia ka soskular iapynbeit pud ba la iasoi hapdeng ka jylla Meghalaya bad Assam.
Katkum u Dr. Mukul Sangma nongialam ka TMC Meghalaya uba dei ruh U Myntri Ranghbah barim jong ka sorkar Meghalaya kane ka soskular iapynbeit pud hadpeng ka Assam bad ka Meghalaya ka dei ka bym shym la iaid katkum ka riti synshar paidbah.
Nalor kane ka jingdawa ban pyndam noh ia kane ka soskular ka TMC ka la dawa ruh ba dei ban pynrung noh ia ka ktien Khasi bad kumjuh ruh ia ka ktien Garo ha ka kyrnit ba 8 jong ka riti synshar jong ka Ri India.