SHILLONG: Ki pulit ka jylla Meghalaya mynta ka sngi ki la hiar sha Sohra ban leit ia ki arngut ki nongwanjngohkai pyrthei kiba la tip kyrteng kum u Raja Raghuvanshi bad ka tnga jong u ka Sonam.
Ia ki la ïohi khatduh ha ka sngi thohdieng hadien ba ki la leit wai ïa kawei ka kali ar shaka ban leit sha Sohra , kawei na ki jaka jngohkai pyrthei kaba bun ki nongwan jngohkai pyrthei.
U heh pulit ka East Khasi Hills (SP) u Vivek Syiem uba la ialam Ia ka Kynhun ban leit wad ha ryngkat ka jingiarap jong ki SDRF bad ki kor ki bor ban tba ia ka jingjah jong ki.
Ia kitei ar ngut ki nongjngohkai pyrthei la iohi khadduh ha Nongriat bad Mawlakiat ba ïa ka scooter ba kitei ki arngut ki la ïoh wai la ïohi hajan ka Sohra Rim, ka jaka jngohkai kaba pawnam kaba jngai tang 60 kilomitar na ka nongbah jong ka jylla. Ka Sohra, kaba pawnam na ka bynta ki wahduid kiba itynnad, ki jingkieng kiba don ki tynrai kiba im, bad ki lynti khlaw kiba jylliew, ka dei ka bynta jong ka jaka kaba rit paid kaba don ha khappud bad ka Bangladesh.
Naduh kata ka por, baroh ki jingpyrshang ban phone bad iakynduh ia ki ki la pulom, ha kaba baroh ar tylli ki mobile phone jong ki ki la shah pynlip. Katkum ka jingiathuh ki pulit la sdang ia ka jingwad mardor hadien ba la ioh ia ka jingpynbna. La phah ïa ki kynhun wad bniah sha baroh ki jaka kiba lah ban long ba kine ki arngut ki lah ban leit jngoh, bad la pyntip sha ki nongsynshar shnong bad la pan jingïarap,” ong u Syiem ha u HT lyngba ka phone.
Uwei u bahaïing hasem jong kitei ki arngut uba khlem lah ban ïaid lyngba sha ki u la mudui ïa ka ejahar kaba nyngkong.