shah kem kawei ka youtuber kaba na india kaba don jingiadei ban ai jingtip sha ka pakistan.

Kawei ka YouTuber kaba kyrteng Jyoti Malhotra kala shah kem halor ka jingkynnoh ba ka la sam ia ki jingtip ba khia sha ka Pakistan,Ka la don jingiadei bad ki agent jong ka Pakistan ha ka por ba dang shu mih ka jingialeh hapdeng ka India bad ka Pakistan.
Ka Jyoti Malhotra, kaba shong ba sah haka shnong Haryana, kaba la shah kem, ka dei namar ba ka dei nong syntiat na ka bynta ka Pakistan bad kaba la ïasam ruh ïaki jingtip ba khia bad ki nongtrei syntiat jong ka Pakistan,ka Pakistan kala pynroi ïa ki jingdon jingem jong ka, la iathuh ki pulit ha ka Sngi U Blei. Ki pulit ki la iathuh ruh ba ka Jyoti ka la iakynduh bad ki agent ha ka por ba dang iaid ka jingialeh hapdeng ka India bad ka Pakistan, hynrei um shym la ioh beit beit ia kino kino ki jingtip kiba iadei bad ka kam iada ri.
U heh pulit ka Hisar, u Shashank Kumar Sawan, u la iathuh ha ka sngi U Blei ba ka Jyoti ka la leit jngoh bunsien ia ka Pakistan ha ki jingleit ba la kyrshan bad ka la leit ruh sha kane ka ri shwa ka jingshah thombor ha Pahalgam.
Ka Jyoti Malhotra, ka kyrteng jong ka channel ‘Travel with JO’, ka la shah kem ha ka sngi Saitjain, hadien ba ki pulit ki la ioh ia ka top-off na ki tnad syntiat jong ka sorkar pdeng.
La iathuh ba kane ka influencer,kala ju ia kynduh man ka por bad ki PIO, ba kynthup ia u Ehsan-ur-Rahim, uba la sin kyrteng u Danish, uba dei u nongtrei jong ka Pakistan High Commission ha New Delhi. Ka la leit ruh sha ka jingbam miet Iftar kaba kyrpang ha Pakistan High Commission ha India ha u snem ba la dep ryngkat bad ka nong Denmark.
La register mukotduma pyrshah ia ka hapoh ka ain Official Secrets Act bad ki kyndon ba iadei jong ka Bharatiya Nyaya Sanhita (BNS). Ki bor pyniaid ki ngeit ba ki briew shimet ki lah ban donkti ha kane ka kam kaba dang kiew.
Ka Jyoti, ka don mynta ha ka jingshah kem jong ki pulit, kaba san sngi lynter, bad ki heh sorkar, ki dang tohkit ia ki jingiakren bad ki jingiakynduh jong ka, khamtam ha ka por ba don ka jingiakynad hapdeng ka India bad ka Pakistan, kaba dang shen bad ka jingshah thombor ha Pahalgam.