Ri Bhoi District-Kum ka jingsngew burom ia uwei na ki riew rangbah uba long u Dkhot jong ka Eastern Ri Bhoi Tourism and Environment Development u Bah Longsing Bey uba bat kum u Adviser jong katei ka kynhun hadien ka jinglah jong u ba pyndep iaka kyrdan Ph.D na kawei ka International University kaba la tip kum ka Global International University of Boston na Goa, ki Nongialam jong katei ka kynhun mynta ka janmiet ki la pynlong iaka jingpynkup burom ia une u Rangbah, ha kaba ia kane ka jingialang pynkupburom la pynlong ha Office treikam jong kane ka kynhun ha Khapmara ha Ri Bhoi District.
Ia kane ka kyrdan Ph. D une u Rangbah u la pyndep haka rta kaba 58 bad kyrmen ba lyngba kane ka kyrdan un dang lah ban leh ia shibun ki kam kiba iadei ban pynbha ban kyntiew bad ban nangkyrshan ia kiba bunbah ki kam hapoh ka imlang ka sahlang bad kiwei kiwei de ki kam ym tang haka thain kaba u shong u sah hynrei iaka jylla hi baroh kawei.
Haba ai jingkren hadien katei ka jingshah pynkup burom u Bah Longsing Bey u la pynpaw iaka jingsngewkmen ba kane ka kynhun ka la poi kynmaw ban pynlong ia kaba kum kane ka jingiakynduh naka bynta katei ka jingpynburom ia u, kaba la long ka burom ia u bad iaka ing ka sem jong u.