Ha ka jingjia kaba sngewsih, lai ngut ki briew ki la sahkut hapoh ki thliew hadien ba ka kynroh maw ka la twa ha ka Thuampui jong ka jylla Mizoram mynin ka sngi thohdieng.
Ka jylla Mizoram kala ïakhun pyrshah ïa ka jinglong jingman kaba jur bha hadien ba ka IMD ka la pynmih ïa ka jingmaham ha katei ka jylla.
Katba ki kynhun iarap ba kyrkieh ki dang trei shitom ban wad ïa kitei ki briew kiba la shah tap ban ioh pyllait la ki dangim ne kila khlad na katei ka jaka.
Kiba bun ki skul kiba don ha kylleng ki bynta jong ka Aizawl ki dang khang haduh mynta ka sngi namar ba u slap uba khlem sangeh u la lynshop ia ka thain hi baroh kawei
Ka jingtwa jong ka katei ka jaka ka la jia katba ka jylla mizoram ka dang don hapoh ka jingpynbna red alert ba la pynmih da ka tnad peit mariang jong ka ri India, kaba maham ba kan don ka jinghap slap kaba jur bha ryngkat bad ka jingkyrhuh jur bha u pyrthat, bad ka lyer kaba jur bha.
La pyntreikam ïa ki lad jingïarap kyrkieh ha baroh kawei ka jylla, ha kaba ïa ka jaka treikam ba kyrkieh jong ka jylla bad ki jaka ai jingïarap kyrkieh ha ka kyrdan jong ki district la buh ha ka jingpynkhreh kaba khraw.
Ki heh sorkar ki bthah ïa ki nongshong shnong ba kin phone ha ki number ai jingïarap 1077, 1070, 0389-2342520, lane ha u universal emergency number 112 na ka bynta ban ïoh jingïarap mardor lada don ne jia kano kano ka jingtwa bad jingjia ba shyrkhei.