ki khubor ki ba lah ioh ban lum la iathuh ba ki lehnoh Houthi ki la thombor ia artylli ki lieng jong ka Israel ha ki bynta jong ka duriaw Indian Ocean, la iathuh ruh ba kane ka jingthombor jong ki kalong hadien ba ki shipai Israel ki la ioh ban pyniap ia u Deputy commander jong ki kynhun lehnoh Hamas.Ki khubor ki ba la ioh ban lum na ki lad pathai khubor kata ka Al-Mayadeen ki iathuh ba artylli ki lieng jong ka Israel ki la shah ban thombor ha u 4 tarik jong u bnai kyllalyngkot ha ka duriaw bah Indian ocean. Ka lieng kaba nyngkong ia ka ba la ai kyrteng da ka Chem Silicon ka la shah thombor ha ki shaphang shatei lam sepngi jong ka Maldives katba ia ka lieng ka ba ar pat ka la shah thombor ha jan Kochi ka ba hap ha ka ri india ong ka Al-Mayadeen.Ki khubor ki iathuh ba katei ka jingthombor jong ki lehnoh houthi ka long hadien ba ka Israel ka la pyniap ia u Deputy Commander jong ka kynhun lehnoh Hamas. U saleh-Al-Arouri u ba dei u Deputy Commander jong ki Hamas u lah shah pyniap ha ki shipai Israel ha Beirut ha ka 4 tarik u kyllalyngkot..
