Shillong, Naiwieng 27: Ka Khun Hynniewtrep National Awakening Movement (KHNAM) myn ha ka 27 tarik ka pynher shithi sha u Chief Secretary ka Jylla Bah DP Wahlang, u President ka KHNAM Bah Pyndapborthiaw Saibon ula iathuh ba ka party kala nang ai ia ki jingai jingmut bynrap, ban pynrung ha ka jingtyrwa ban pynkylla thymmai ia ka State Reservation Policy. Ha ka shithi kaba la ai ha u CS kala dawa ban ai ia ka bhah thungkam ba 80 percent ia ki trai paidriewlum ka Jylla ha ki Ophis treikam shimet bad ki kompani. Ki Nongialam ka KHNAM kaba dawa ba ka bhah thungkam ba 80% ha kino kino ki kam ba lait haki Ophis ki riewshimet ne kompani, ba dei ban buh bha na ka bynta ki trai paid riewlum ka Jylla Meghalaya iathuh u Bah Thomas Passah bad Bah James Nengnong General Secretary. U Bah Thomas Passah Working President ka jingnang kynton ka jingbym iohkam iohjam hapoh ka Jylla ka Sorkar marwei kan nym lah ban aikam lut,, lada ki Ophis treikam shimet bad kompani ki shah kdup lang hapoh ki kyndon ka SRP, kane kan iarap bha ha kaban iakhun ia ka jingbym iohkam ki samla hapoh ka Jylla”. Ha ka shithi ka Office Memorandum (OM) ba 18 tarik Jylliew, 1973 para 7.2, kala dep kynthup lypa ia ki Public Undertaking, ki Institute ba iarap ka Sorkar bad ki Contractor hapoh ka SRP. Kumta, ngim iohi ban don kano kano ka jingeh ha kaban kynthup lang ia ki Ophis treikam shimet bad ki kompani ruh hapoh ka SRP” ula bynrap.Ka KHNAM kala dep ban aiti ia ki jingai jingmut ban pynrung ha ka jingthmu pynkylla ia ka SRP,1972 bad ia ki Office Memorandum lyngba ka shithi ba 31 tarik Jymmang, 2023. Na ka Liang u General Secretary u buh jingkylli ia ka sorkar bad ia kito kiba treh ban don ka Expert Committee ka don jingmut aiu.
