Ka Shillong Parliamentary Seat ha ki 30 snem tam ka seat ka dei jong ka Seng Congress ba la mih khmat da u Bah P. Ripple Kyndiah Bam kwai ha dwar U Blei bad u Bah Vincent H. Pala uba la bat lai sien kynthih kata naduh u snem 2024.
Mynta u Snem 2024 ka snem kyrpang ia ka Voice People Party ban long ka radbah ban pynkhyllem ia u diengbah ka Seng Congress u Bah Vincent H Pala uba la bat haduh 3 sien kynthih; ha kaba u Dr. R.A.J. Syngkon u la ioh ia ka jingjop kaba haduh 5 lak tam ki vote bad tam haduh 3 lak 60 hajar tam ia ka Kongress.
Ka jingniew vote jong ka elekshon Lok Sabha 2024 mynta ka sngi Ba-ar bad ka Voice of the People Party(VPP) kala tam kput ha Shillong Parliamentary constituency.
Da ki phew hajar ngut ki paidbah ki la wan ban ai jingshnain ia u President ka Party u Bah Ardent Miller Basaiawmoit bad ia u Dr. A J. Ricky Syngkon ha Madan Polo.
U Bah Ardent Miller Basaiawmoit President haba ioh ban iakren sha ki lad pathai khubor u pynpaw ka jingsngew nguh ia u paidbah ba ki la sngewthuh ia ka kamram ban ioh u Nongmihkhmat bathymmai.
Kane ka dei ka jingkylla jong ka politik ha Jylla namar ba ki paidbah ki la iohi ia ki kam ka Sorkar MDA aiu ka leh ia ki paidbah.
U paidbah u la ai jubab iathuh u Bah Ardent Miller Basaiawmoit.
