Na ki tyllong khubor bala iohlum la pyntip, ba katei ka jingbthei lasuba jur ba kadei ka jingbthei u Bomb hynrei haduh mynta kam shym la don kano kano ka jingpynthikna halor katei ka jingja.
Ka kynhun Bomb Squad jongka Meghalaya Police kala leit mardor sha katei ka jaka ban pynlong iaka jingtohkit.
Ia Utei u briew ba mynsaw la pynkit sha Woodland Hospital, Shillong ban ioh jingsumar. Tad Haduh ba la Pynmih ia kane ka khubor, ym pat lah pat ban tip la udei uba shong basah ha Them Metor ne kumno
Na ka Liang ki pulit mar iatip ia ka jingbthei ki la leit ban JURIP bad ker tyllai.
Shuh shuh ka khubor u SP ka East khasi Hills District u Rituraj Ravi,
kala thong T. 1 lak ia kino kino ki briew kiba lah ban ai jingtip halor ka jingpynbthei bomb IED ha Them Metor, ban lapdien bad ithuh ia ki briew kiba donkti.
Thong ki Pulit T. 1 lak ia kiba ai khubor ban iohkem ia kiba pyntbei bomb.
U Superintendent of Police Rituraj Ravi, ula ong ba ia kane ka jingpynbthei bomb la khein kum ka kam lehnoh bad kaba hap ha ka jingpynsajia kat kum ka Unlawful Activities (Prevention) Act bad ka Explosive Substance Act.
Une u Heh Pulit ha ka jingphah kyrwoh sha ki lad pathai khubor u pyntip ba ka rukom pynbthei ia u bomb ka iasyriem bad ki jingbthei bomb ha ki snem bala leit noh, ia kiba la kam da ka seng Hynniewtrep National Liberation Council (HNLC). Hynrei u ong ba ha kane ka kynti ba mynta, ym pat shym la don kino kino ki seng ki ban kam ia ka jingdonkti ha kane ka jingpynbthei bomb.
U pyntip ba ki Pulit kila register da ka suo-moto FIR halor kane ka jingjia ha Sadar Police Station hapoh ka UA(P)Act bad ka Explosive Substance Act.
U Rani u iathuh ba ka jingtohkit mynta kala iaid shaid shaid ban iohkem ia ki briew kiba donkti bad ula pan ia ka jingiatrei lang jong ki paidbah ba kane ka jingpyrshang kan long kaba jop.
U pyntip ba u briew uba mynsaw na kane ka jingpynbthei bomb IED u dei uba la tip kyrteng da u Lakhon Singh.