Ki arngut ki longkmie na ka thaiñ Mawkyrwat ka kong Therona Iawphniaw na ka shnong Mawsaw bad ka kong Ebrista Thyrniang na ka shnong Siej iong ,South West Khasi Hills District kim lah ban kun tang halade ia kaei kaba ki la shem ha ka jingim jong ki bad ki kwah lem ban pyn saphriang ia ka khubor ba bha sha ki wei pat hadien ba ki ioh ia ka jing koit jingkhiah na ka jingpang kaba ki la duh jingkyrmen ha ka jingim jong ki.
Kine ki arngut ki la ai khublei kyrpang ia u Bah Drelly Lyngdoh u nongsumar dawai khasi na ka thaiñ Mawkyrwat uba la lah ban pynkoit ia ka jingpang jingshitom jong ki.
Ka kong Therona Iawphniaw kadei ka longkmie kaba la shu thiah ha jingthiah da ki bun tylli ki bnai hadien ba ka la ioh ia ka jingshitom at bad pdung baroh shirynieng na ka daw jong ka jingshah puh bsein bad kiba haing hasem ruh kim don jingkyrmen shuh ba kan dang im . Ka kong Thedora ka la ïathuh ba ka la pyrshng ban wad dawai kylleng kylleng hynrei kam ioh ia ka jingkoit bad dei hadien ba ka la ïaknduh ia u bah Drelly Lyngdoh bad lyngba ka jingsumar jong u da ki dawai khasi mynta kane ka longkmie ka la koit bad mynta ka don hapdeng ka met kaba koit ba khiah.