Haka 3 tarik June 2022 uwei u briew ba kyrteng u Resain Lamin uba dei ruh u Secretary VEC ka Lum Tongseng u lah thombor iaka iing jong i Kong Thiangmon Kyndoh haka por 9 PM haka por ba ka khun kynthei jong ka kaba dang 16 snem ka bym shym biang bha ka pyrkhat pyrdaiñ ka dang don ha kamra thiah. Une u briew u lah kyndang iaka jingkhang ïit jong ka kamra thiah Ine i khynnah bad u lah thmu ban jrong kti iaka. Hynrei namar kam pat iohthiah kumta ka lah iohi bad daka jingkyndit kaba khraw ka lah lynñiar hangta ryngkat ka jingkhynñiuh kaba khraw. Hangta hi ki wan ki briew bad ki lah iarap iaka bad uta u briew u phet noh. Haba lah leit ai iaka FIR sha Lumshnong PS haka 4 bad 5 tarik June ki Pulit Lumshnong kim treh ban register iaka da kaba ong khie bishar shwa daka Shnong jong phi hi. Hynrei haka 6 tarik June 2022 ki lah leit biang ryngkat ka jingdon ka Kong Deiwi Tongper te ki u OC ka Lumshnong u lah register iaka FIR bad ha kata ka sngi ki lah leit wad ia uta u briew hynrei kim ioh. Hadien pat haka 13 tarik June une u briew u lah ioh anticipatory bail da kaba thok ba um shym don ha shnong ha kata ka miet ba jia ka jingjia haba baroh ki nongshong Shnong ki lah dep sakhi ba u don hi ha shnong. Haka 14 tarik pat u lah sdang ban maham ia ka kmie Ine i khynnah iba dei ruh I nongujor daki ktien ba kop bad daki ktien pyntieng pynsmiej bad u ong ruh Lada don ka pisa wat ban pyniap briew ruh ym lei lei. Te namar ka jingjur u slap bad jur ka jingtwa khyndew kim shym ioh ban leit complain ha kito ki por.
Te haka 1 tarik July ngi lah leit ujor sha u DSP Mairom bad ruh sha u IO ba dei ia kane ka case u SI Onickson Nongtdu halor kane ka jingleh jong une u briew namar u lah pynkheiñ iaki kyndon jong ka anticipatory bail ba u lah ioh hynrei une u IO um shym la shim khia ban leh interrogation bad ban ai enquiry report halor kane.
Te haka 5 tarik July ngi lah ujor sa sha u DSP (Crime) halor kane ka jingbym treh une u SI Onickson Nongtdu. Ha kata hi ka sngi u DSP Crime u phah iangi ban leit sha Lumshnong PS na bynta ban shim iaka statement halor kane ka jingpyntieng pynsyier une u briew. Ha kata ka sngi wat u Additional SP East Jaiñtia Hills ruh u wan hiar sha Lumshnong PS na bynta ban peit ia Kane ka case. Bad ki lah ong ban ai por iaki 2,3 Sngi ban pyndep iaka jingshim statement halor kane ka jingujor bad ban phah cancel iaka bail jong u.
Hynrei kaba lyngngoh ka long wat haduh 2 taiew ruh une u IO um shym leit ai iaka enquiry report namar haka 19 tarik July 2022 haba ngi leit wad jingtip na u public prosecutor bad na u Additional SP ngi lap ba une u IO um shym ai iaka enquiry report hynrei u thok pynban da kaba ong ba ka kmie kane ka khynnah ka lah compromise iaka case.
Kaei ka jingmut jong u haba une u IO u pynslem ban ai ka enquiry report na bynta ban cancel iaka anticipatory bail une u briew?? Kane ka longïing mynta ka im hapdeng ka jingtieng jingsyier bad kim nud shuh tang ban leit trei leit ktah bad ine i khynnah i lah ktah iaka bor pyrkhat jong i (mentally) namar i shu kynmaw beit ia ka jingwan thombor une u briew ia i bad im juh iohthiah shuh. Ka jingioh laitlan une u briew ka buh jingma wat ia kane ka khynnah ruh. Bad baroh ki dkhot nongshong Shnong ki lah wan sakhi ia kane.
Naka liang jong ka seng kynthei ka STIEH kaba peit iaka bha ka miat na bynta ki riew kynthei kiba shah thombor ka pynpaw iaka jingbym sngew shañiah iaka tnad Pulit namar ka jingim jong ki kynthei ki don haka jingma lada don kum kine ki Pulit ki bym la shimkhia wat iaka jingshah thombor ka khynnah 16 snem. Lada une u briew u leh eiei ia kane ka iing Hato mano ban kitkhlieh haba wat haba lah dep ujor sha ki bor ka aiñ ruh hynrei ka aiñ kam treikam. Kane ka dei ka jingibeiñ iaki riew kynthei kiba wan na ka longiing ba duk. Namar ka jingleh arsap une u IO te ngim sngew donkam shuh ba un don Shane sha Thaiñ jong ngi. Ka bha ban phah noh ia u sha kiwei pat ki jaka namar ki riewsniew kin sa nang ioh bor lada don kum kine ki Pulit kiba pynheh iaka jingsniew. Kum une u jait Pulit ngim kwah shuh ba un don hapoh ki Thaiñ jong ngi namar um lah ban ai ka jingshngaiñ iaki kynthei khynnah.