T329, 02, 67,300 ka mang tyngka u 2024-25 ba duna T. 4.33 lak ba la mang da ka KHADC

Shillong, Lber 11 : Ka Iing Dorbar Thaw Aiñ ka Ka Khasi Hills Autonomous District Council ka la wanrah ia ka mang tyngka u snem 2024-25 ba duna T. 4,33,410. iathuh Chief Executive Member (CEM) ka Khasi Hills Autonomous District Council (KHADC) Bah Pyniaid Sing Syiem ha ka sngi Nyngkong, hadien ba la wai ka Dorbar Mang Tyngka.
u Bah Pyniaid ula ong “Ka don ka jingduna ha ka mang tyngka namar ka jingtyrwa pynlut ba T.329,07,00,710 ka kham heh ia ka jingmang pynmih pisa jong ka Council kaba long T.329, 02, 67,300 .”
Ka Executuve Committee (EC) kan pyrshang katba lah ban wad ia ki lad ki lynti ha kaban pynkiew ia ka jinglum khajna jong ka Council.
Ha ka jingmang pynlut bad jingmang pynmih jong ka Council ha ka mang tyngka u 2023-24 kan sa paw ruh ha ka mang tyngka u snem 2025-26 namar ka jingkhein jingdiah ka dei ka ban dang wan iathuh u CEM.
Ia ka jingai bhah mang tyngka kan iarap ban siew ia ka tulop sha ki MDC, Chairperson, Deputy Chairman, Nongialam ka Liang Pyrshah, ki Executive Member, ki Ophisar bad ki Nongtrei jong ki Tnad bapher bapher kynthup ka Executive, Legislative bad Judicial.
Ka sienjam ba la shim da ka EC ha u snem 2023-24 ban kyntiew ia ka jingtreikam jong ka Council bad ka jinglah ban lum khajna kham bun.
Ula ong ba ka jingai building permission jong ka EC lyngba ka Khasi Hills Building and Structure Regulatory Authority (KHBSRA) kala iarap bha ban weng ia ki jingeh bala mad da ki paidbah bad ka jingioh lum khajna na ka jingai building permission kala iarap ia ka pla tyngka jong ka Council.
Ka Council ka la iakren ia kane ka kam bad ka Sorkar Jylla bad ngi kyrmen ban gin sa lah ban pynbeit noh shem naba ka jingsiew bala ioh lum na ka jingai ia ka Land Title Rights Certificate kan nang bynrap ia ka jingpynmih pisa jong ka Council” ula ong.
Haba kren halor ka jingjop jong ka Monolith Festival, u CEM ula pyntip ba ka EC kan sa wanrah shen ia ka Bill ban pynthikna ba kane ka tamasa kan long noh shisien ha ka shisnem ban kyntiew bad pynneh pynsah ia ka kolshor bad ki jingle tynrai jong ka Jaidbynriew Khasi.