Shillong – Ki paidbah ka Shnong Mukroh haduh mynta kim pat sngew shngaiñ ban leit ban wan sha ki lyngkha ki risa ban trei ban ktah namar ba ka KAAC ka la tuklar khlaw hapdeng ka jingiakajia khappud hapdeng ka Meghalaya bad ka Assam West Jaintia Hills district.
Katei ka jingjia kaba la jia ha u snem 2022 u bnai November katkum ka jingiathuh ki nongsynshar
Ki paidbah ha ki jaka ba ki leit rep ha ki pyntha kba ki dang sngewtieng haba iathuh sha u Lad pathai khubor ha Mukroh myn ha ka 7 tarik u Nohprah.
Ha jingleit u lad pathai sha ki jaka rep bad ki jaka Shnong ba longtrai ka Dorbar Mukroh la iohi ia ka jingdakhol ki karbi bad ka Sorkar Assam ban seng ia ka kper slasha.
Ka don ka jingkynnoh ka KAAC ka la pom beain ia ki dieng na ka bynta ban shna surok ha Salang bad ban seng ia ka kper sha.
Uwei u nongshong shnong ka Mukroh u bym kwah ban pynpaw kyrteng u la kynnoh ba ka KAAC ia ka jingleh beaiñ jong ki karbi.
U pynpaw ka jingsngewkhia kaba jur halor ki kam shna surok beaiñ bad ki kam pom pathar ïa ki khlaw kiba la kynnoh ba la leh da ka Karbi Anglong Autonomous Council
Watla ki bor synshar ki la leit jngoh ia katei ka jaka bad pynsangeh shipor ia ka jingtei, kam don jingmut
Mynta ka shnong ka don ia ki bor pahara ban khanglad ia ka jingpynroi shuh shuh ha katei ka thain, da kaba kdew ia ka jingtieng halor ka jingwan rung beain. “Ki paidbah ka shnong Mukroh ki shaniah ha ki dieng ban shet jingbam, kiba ju lum tynrai na ki khlaw jong ka shnong.
Na ka Liang ki nongshong shnong ki kwah na u Myntri Rangbah ban pynbeit bad ai jingiada namar napoh napoh ba ka jingïakynad kaba nang jur ha Mukroh ka wan hapdeng ka jingïakajia khappud kaba la slem bha hapdeng ka Assam bad ka Meghalaya. Kane ka mat ka la long kaba khia bha ha kine ki snem ba la dep, da ki jingjia kum ka jingshah siat suloi kaba la pyniap briew ha u snem 2022, ha kaba hynriew ngut ki briew, kynthup ïa uwei u nongap khlaw jong ka Assam, ki la duh noh ïa la ka jong ka jingim ha ka jingïakynad ha shilynter u pud u sam ba don jingïakynad ha ka shnong Mukroh. La iathuh ba katei ka jingjia ka mih na ka jingiakynad halor ka jingkhaii dieng tuh. Ka jingpyrshang ban pynbeit ïa ka jingïakynad ha khappud kaba la pynjynjar bha ka la ïaid shakhmat, da ka jingïateh kular kaba kongsan hapdeng ka Assam bad ka Meghalaya ha ka 29 tarik u Risaw, 2023, kaba la lah ban pynbeit ïa ki 6 tylli ki jaka ba don jingïakynad napdeng ki 12 tylli.
Shuh shuh ha kawei ka Liang ki paidbah ka Mukroh ki sngew ban Ong sha ka Sorkar MDA ban peit ia ki paidbah ka khappud naduh Labang Nongphyllut, Dieñler, Khanduli Psiar bad Sahsniang ki paidbah ki ban suk ban Saiñ.Kawei kaba sngewsih eh ia ki paid Khappud ka dei ka jingduna ka Bor pahara namar ki Iing jaka sah ki pulit kaei kaba ka sorkar ka thmu Ym tip iathuh uwei u nongshong shnong.
Kumba ka jingjia Ar snem ha Mukroh ka sorkar ka Buh ia ki pulit ban pahara ym biang ka Ophis bad ka jaka ban ai jingtip Haoid na ka Liang ka Shnong Mukroh ka la ai ka jaka ia ka Sorkar ban Shna Beat House Out Post haduh mynta kam shna.
Ka la don ka Dak tang ban lur JCB kane la shah pynsangeh noh ha ki Pulit Assam.
Isynei ki pulit ka jylla Meghalaya ban ia aireng ia ki pulit Assam kim nud namar kim biang ki tiar.
Haba iaphai sha ka Sorkar Assam ka leh donbor ba. Shna Ophis jong ka ha u Pud ka Meghalaya katba ka Sorkar Meghalaya kam nud saham.
Kane ka pyni shai wat ki bor District West Jaintia Hills district bad ki pulit ki Tieng ia ki pulit Assam katkum ka jingiathuh ki paidbah Mukroh.