Shillong – To ngin ym sngewthait ban leh ia kaba bha; lada ngim leh swai,ha ka ia kaba biang ngin sa ioh la ka bainong” Galatia lynnong ba 6 dkhot ba 9 ka dei ka matphang pdeng jong ka lympung jingiakynduh lang jong ki samla ka ICYM Zone 5 ia kaba la pynlong ha Holy Cross Parish Mawkynrew.
Ia ka lympung jong ki samla kaba San la shim bynta da ki samla na ki 4 tylli ki parish kaba kynthup ia ka parish Mawryngkneng, Laitkor, Jongksha bad Mawkynrew ha ka Jingialam u Sohblei Sylvester Synrem Spiritual Director ka Zone 5, bad u President
Iaiteinam Kharumnuid.
Haba iaid lynti ia ka lympung kaba 4 jong ki samla na ki saw parish da ki hajar Ngut ki samla ki ioh bynta naduh ka Mass Bakhuid ba la pynmynta da u Vicar General ka Shillong Archdiocese u Sohblei Richard Manbha Majaw ia kaba la synran da u Sohblei Sylvester Synrem Spiritual Director, u Parish Priest Sohblei John Balen ka Holy Cross Parish Mawkynrew bad kiwei pat ki Lyngdoh Sohblei.
U Sohblei Richard Manbha Majaw haba ai jingkren ha ka prokam Nohphai Sngi u la pynsngew sha ki samla jong ka lympung ka Balang ka dei ia ka mynsiem shitrhem jong ki namar ki samla ki long ka Iing Mane jong ki lyngba ki kam ba ki leh ban ialap ia ka Ktien U Blei.
U Sohblei Richard Majaw kum u VG u la sneng ia ki samla Ka Balang ka donkam ia ki samla shuh shuh la bynrap ka Balang kam dei ka IIng mame kaba dei da ki maw ne ki jingtei maw hynrei ki long ka Dohnud ha ka jingim babha.
Ka ICYM Zone 5 kaba lum ia ki samla kum ka Jinglong kawei lyngba ki jingpyni sap bad ki jingrwai iaroh bad ka jingiaphylliew ia ku samla.
Ka ICYM Zone 5 ka la pynkup burom ia ki samla kiba la noh syniang ia Seng bad ha ki kam syniang ha ka Imlang ka Sahlang.
Haba pynkmen ia ka lympung jong ki samla ka Zone ka kynhun La Syrdeng na Mawryngkneng Parish ka la pynshongshit da ka phawar jong ki.
La pynkut noh ia ka Lympung kaba 4 da ka jingpynhiar lama da u Spiritual Director u Sohblei Sylvester Synrem ha ryngkat ka jingrwai Anthem.
Na ka Liang u Spiritual Director u la pynbna paidbah ba ka Lympung kaba 5 kan long ha Parish Laitkor jong u snem 2026 bad la aiti ia ka lama jong ka zone sha u President ka Seng Samla Laitkor.
