Shillong- Ka Jylla Niam Bah Shillong ka la pynkut noh ia Proseshon Bah Laitumkhrah Mary Help Christian ha kaba da ki lak Ngut ki paid u Blei na ki lai tylli ki jylla niam ka Jowai, Nongstoin ki la wan ban ainguh ai dem ia u Trai Jisu.
U Apostolic Nuncio Leopoldo Girelli u nongmihkhmat ha India bad Nepal jong u Kpa Bakhuid u la long u kongsan ban pynmynta ia ka Mass Bakhuid ha ryngkat u Archbishop jong ka Shillong Archdiocese, u Most Rev. Victor Lyngdoh, u Bishop Wilbert Marweiñ, Nongstoin, u Bishop Ferdinand Dkhar Jowai bad u Bishop synrop ka Aizawl.
U Archbishop bad Nuncio Leopoldo Girili haba ai jingkren sha ki paid u Blei ha ka Mass Bakhuid u pynkynmaw ia ka jingleit kurim ki BRIEW kiba rah ia ka sharak kaba dap da ka umphniang.
U la bsiap ia ki paid U Blei ban dap da u Mynsiem U Blei ha ki dohnud bad long kiba la pynkhreh ia ka jingim lajong.
Ha kajuh ka por jong ka Nguh ka Dem Blei na ka Liang ka Editorial ka Kot Khubor “Ka Iing Khristan” ka la pynkup burom ia u Bah Apol Mawñiuh kum u nongthoh artikel ba tbit tam jong u snem 2023 ia kaba la ai da u Nuncio Leopoldo Girili bad u Archbishop Victor Lyngdoh.Ia ka jingiaid prosession kaba la sdang na Calvary da ka jinglam khmat da ka Diengphna bud ka Cathedral Band, Don Bosco Band bad ka Savio Junioriate Band.U Bishop Ferdinand Dkhar Jowai Diocese bad u Nuncio Leopoldo Girili ki long ki kongsan ban rah ia ka Sakrament Iukharist ba la pynriam itynnad da ka kali.Lah ban kdew ba ka kane ka Eucharistic Procession la pynlong ha baroh kawei ka pyrthei iaka ba la tip kum ka ‘Corpus Christi’ lane ka met u Jisu haka ktien Latin.Ia kane ka Eucharistic Procession la pynlong nyngkong daka ingmane Catholic ha u snem 1247 ha Belgium bad katba iaid ki spah snem kane ka jingiaid ki riew ngeit kala kylla long ka rukom ha kylleng ka syttlak pyrthei.
