U Myntri Rangbah ka jylla u Himanta Biswa Sarma u la ong ha ka 28 tarik u Naitung ba ka sorkar Assam kan ai laisen tiar ialeh sha ki trai ri trai muluk kiba sah ha ki jaka ‘ba rit paid bad ba jngai’ na ka bynta ban pynrung ia ka jingsngew shngain ha ki.
U heh ka Congress ka Assam u Gaurav Gogoi u la pynrem jur ia ka rai jong ka sorkar Bhratiya Janata Party ban ai laisen bad tiar ialeh ia ki trai ri trai muluk hapoh ka jylla assam sha kito ki jaka ba sah duna bha ki rit paid ka jylla assam bad kiba bun bha ba sah ki muslim bad ki jaka ba long khapud bad ka bangladesh. U Gogoi u la ong ba katei ka jingleh ka dei ka “sienjam kaba ma” kaba phaidien sha ka “jingbym don ain bad ka jingsynshar khlaw”.
U Gogoi u la ong ba u Myntri Rangbah ka jylla u Himanta Biswa Sarma u dei ban pynphai noh mardor ia katei ka rai bad ban pynleit jingmut ha kaba pynioh biang ia ka jingshaniah jong ki paidbah lyngba ki nongialam kiba don ka jingkitkhlieh.
U Myntri Rangbah ka jylla u Sarma u la ong ha ka 28 tarik mynta u bnai ba ka sorkar Assam kan ai laisen tiar ialeh sha ki trai ri trai muluk kiba sah ha ki jaka “ba rit paid bad ba jngai” na ka bynta ban pynrung ia ka jingsngew shngain ha ki.
Nga pynrem jur ïa ka rai jong u Myntri Rangbah ka Jylla u Himanta Biswa Sarma ban sam tiar ïaleh sha ki riew paidbah ha ki thaiñ khappud jong ka Jylla,” ong u Gogoi uba dei u nongïalam ka Congress ha kaba u la thoh hapoh ka X.
Ki briew jong ka Assam ki dei hok ban ioh kam, ki jingsumar kiba bha, ka jingpule kaba bha, ym ki suloi, u la ong.
Ha ka jaka ban pynkhlain ia ki pulit bad ki bor pahara ha ki khappud, ka sorkar ka thmu ban sam tiar ialeh pynban hapdeng ki nongkyrshan jong ka BJP-RSS bad ki kynhun runar jong ka thain. Kane kan wanrah ia ka jingleh donbor jong ki kynhun runar bad ki kam runar u la ong biang
Kane kam dei ka jingsynshar, kane ka dei ka sienjam kaba shyrkhei ban phaidien sha ka jingleh be-aiñ bad ka jungle raj,” ong u Gogoi, uba dei ruh u deputy nongialam jong ka Congress ha Lok Sabbha.
Kane ka rai kam pynpaw ia ka jingsngewkhia jong ki paidbah, hynrei ia ka jingsngewkhia jong ka elekshon. U Myntri Rangbah ka Jylla u dei ban pynphai biang mardor bad pynleit jingmut ha kaba pynphai biang ïa ka jingshaniah jong ki paidbah lyngba ka jingïalam kaba don ka jingkitkhlieh,” u la ban biang
Haba kren ha ka jingialang bad ki nongthoh khubor ha Guwahati, u CM Sarma u la ong ba ia katei ka rai la shim ha ka jingialang jong ka kynhun myntri ka jylla hadien ba la bishar bniah ia ka “jingdawa” jong ki paidbah kiba sah ha kitei ki jaka.