U Myntri Rangbah ka Assam u Himanta Biswa Sarma u la thombor jur ïa u MP ka Congress u Gaurav Gogoi

U Myntri Rangbah ka Assam u Himanta Biswa Sarma u la thombor jur ïa u MP ka Congress u Gaurav Gogoi ha ka jingïalang elekshon kaba la long ha North Salmara ha Bongaigaon district ha ka sngi palei ka 2 tarik Naitung.
Haba kren ha ka jingialang ban kyrshan ia u kyrtong jong ka seng NDA, u Sarma u la pynpaw ia ki jingkynthoh kiba sngewtynnad ha khmat ki lad pathai khubor.
Haba ïadei bad ka jingleit shabar ri dang shen jong u Gaurav Gogoi, u Sarma u la kynnoh:
“U Gaurav Gogoi dang shen u la pynlut 15 sngi ha Pakistan — ka ri kaba don ka jingpynsngewtynnat ia ki nongjngohkai pyrthei. U la leh aiu hangta haduh 15 sngi? U don ram ban jubab ia ki briew jong ka Assam.”
Ha ka jingkren kaba kham pynkulmar, u Myntri Rangbah ka Jylla ula ong: “Ki arngut ki khun jong u Gaurav Gogoi ki dei ki nongshong shnong jong ka ri nongwei. Lada u lah ban pynshisha ba ki khun jong u ki dei ki nong India, ngan risaiñ noh na ka kam Myntri Rangbah ka Jylla.”
Pule ruh: U Himanta Biswa Sarma u la ther ia ka Pakistan halor ka ‘jingpyniap khlem akor’ ha Balochistan.
U la bynrap shuh shuh, “Ha ka longïing kaba don saw ngut, lai ngut ki dkhot ki dei ki nongshong shnong jong ki ri nongwei. Ym pat lah ban tip lano u lah ban mih na India. U la sah hangne kum u nongjngohkai pyrthei.”