Ki nongrep na ka thain Sonidan Iamkhon mawtari Mawlaho kohradem umtyrkhang Mawpat ki la pynpaw ka jingsngewsih kaba jur halor ka jingkhrong pisa jubor ki nongap gate kiba ap ha katei ka Gate kaba don ha Mawshang.
Ki nongrep da ka jingkut lad namar ba hiar dor palat u synsar bad sa ka jingshah ot kilo kumta kim sngewlah kyrda shuh ba bun ki jingsiew sa ka khajna
Kumta ki la pan jingiarap na ka Seng ki Nongrep ka Hill Farmers Union ban iarap lem ia ki .
Mynta ka sngi ki Nongialam jong ka Hill Farmers Union hapoh ka Jingialam u General Secretary HFU Central Body u Bah Allfondbirth Kharsyntiew ki la leit hiar sha katei ka jaka ban wad ia ka jingshisha
Ha kane ka jingleit jong ka seng ki la lap ban ka don shisha ka jingkhrong pisa na ki kali kit syieng kit synsar na katei ka Gate haba iakren bad kitei ki nongap ki la iathuh ba kim tip ei² bad ia katei la shu phah khrong da u Malik jong ki.
Ka seng ka dawa ka dei ban pynduh ia kum kitei ki Gate kiba khniot ia ki Kali kit mar jong u nongrep namar kane ka ktah shisha ia ka pliang ja jong u nongrep
Kumta ka seng ka kyrpad ia office kiba dei khmih ban pynbeit mar dor ia katei ka kam khnnag ba ki nongrep kin lait na ka jingshah leh bein