Shillong 20 may/ Kaba lyngngoh ka long ba ka mynta kiba dih droks ki dei ki shynrang bad ki kynthei la bun bha. Kane ka jingdih droks ka la pynjot lut ia ki iing ki sem bad ka long ka apot sep-sngi da shisha na ka bynta kito ki longiing kiba la ngat ha jingdih droks. Kajuh ka apot ka hap ruh ia kito kiba la ngop ha ka jingdih kyiad ruh, hynrei kaba kham shyrkhei shuh shuh ia kito kiba la ngat ha ka jingdih droks.
Ngam dei uba la jurip bha ia kane ka kam dih droks ha ka jylla, hynrei kito kiba la tih bha shaphang kane, ki iathuh ba ka jingdih drok ha Meghalaya mynta ka la jyllei bha. Ka la pur ha kylleng ka Ri Khasi-Jaintia bad Garo Hills.
U ei u Drug?
Ka kyntien Drug ka wan na ka ktien French Drogue kaba mut Kynbat Tyrkhong
Ki drok ki dei ki jingdih ne ki dawai kiba trei jai jai ka ba lah ban ktah ia ka jabieng jong u ne ka briew bad ia ka jingmut jingpyrkhat jong u ne ka briew.
u drok u dei u wei na ki atiar ba khlain bor tam bad shisien ba la ngat la long kumba thep ia along da lade ialade.
#kaei ka Addiction
Drug Addiction kadei ka jingpang kaba kham sniew kham shyrkhei ban ïa kano kano ka jingpang kaba ktah ia ka jabieng lane ia ka jingmut jingpyrkhat jong u ne ka briew ka lah ban ialam ia u/ne ka briew ia ka jingbymlah shuh ban ieh ne ban sangeh ia ka jingpyndonkam ia u .Uno uno uba ïa lang lok bad uba dih Drok u ngat ha kane ka jingpang .Ki nongpyndonkam drok kiba la kyrni bha, ki donkam ban ïoh drok man la ka sngi. Kim lah shuh ban ieh. Namarkata, ki don ki nongpyndonkam drok kiba ïaid da ka lynti jong ka tuh ka thiem ym tang na ki ïing ki sem jong kiwei, hynrei wat na ïing na sem lajong ban ïoh pisa ban thied drok. Lada kim ïoh drok, ka met ka phad jong ki kan mad ïa ka jingshitom. Dei na kane ka daw, ba ki nongdih drok kiba la snar bha kim lah shuh ban shah bad ki thom ïa ka sang ka ma tang ban ïoh ïa uei uba ki donkam.
. Ki Drok ki bun rukom.alcohol.
- Tobacco.
- u Kynja
- (morphine)
- Kyiad (alcohol)
- cannabis.
- cocaine.
- opioids, heroin.
- the non-medical use of prescription drugs.
Balei ki Briew ki Dih Drok?
- Jing pynbor jong ki paralok lane ka jingdon jong ki paralok ki ba dih drok
- Ban lait na ka jingsngewsih
- Ka jingkwah ban tip lada dih long kumno bad kiewei kiwei pat ki daw.
Naduh na ïing na sem haduh ha shnong ha thaw bad kumjuh ruh ha ki shlem jingpule, dei ban ïa long kiba peitngor ïa la ki jong. Shisien ba la ïohi ïa kano kano ka jingleh pher ha uno uno ne kano kano u ne ka khynnah/samla, dei ban ïasyllok noh mar-mar khlem da buh teng. Dei ban wad ïa ki daw jong ka jingleh pher ne ka jingkylla ha ka jinglong bad ha ka jingmut jingpyrkhat. Wat ap haduh ba ym lah shuh ban leh eiei. Pynlut ïa ka bor bad ka por ha ka ban pynbeit naduh ba sdang hashwa ban babe. Shim jingïarap na ki doktor ne ki bahaïing hasem ne ki paralok parajor bad ban jingmut kumno ban tan ïa la ki khun ki kti na ka ahor jong ka jingpyndonkam drok. Lada lah ban leh eiei naduh basdang, ki jingeh ban mad hadien habud kin kham duna shibun bad kan ïarap ïa ki khun ki kti ba kin lait kham kloi na ka jingshah teh shah khum ha ka jingkyrni.