Ka Special Cell jong ka East Khasi Hills district ka la ithuh bad kem ia utei u briew na ka iing sah jongu ha Umlyngka,
Katkum ka kyrwoh ba la pynmih da u superintendent of police (SP) u Vivek Syiem, utei u riew shimet u la pyndonkam ia ka facebook jongu ha ka kyrteng “Man Shylla” ban upload ia ka video clip kaba la pynmih tynrai da kawei ka lad pathai khubor jong ka thain.
Ha katei ka post, la kynnoh ba u la ai jingkynthoh ban kyrshan ia ki lehnoh kiba donkti ha ka jingthombor ha Pahalgam.
“Kum kine ki jingkren ki long kiba pynsngewsih jur bad ki don ka lad ban pynmih ïa ka jingïakynad ha ka imlang sahlang bad ban pynmih ïa ka jingïakynad,” ong u SP.
U pyntip ba ia une u samla yn sa ialam tian bishar mynta ka sngi hapoh ka Iingkashari.
La register mukotduma pyrshah ia u ha Lumdiengjri Police Station hapoh ka PS Case No. 421(04)2025 halor ki kam runar kiba lah ban pynshitom katkum ki kyndon 113(3), 196(1)(a), bad 147 jong ka Bharatiya Nyaya Sanhita (BNS).